Боловсролын шинэчлэлийн хүрээнд лаборатори сургуулиудын багш нарт суурь боловсролын туршилтын хөтөлбөрийг танилцуулах арга зүйн бүсийн сургалтыг БСШУЯ, Багш нарын мэргэжил дээшлүүлэх институтээс энэ сарын 20-23-ны өдрүүдэд Дорноговь, Говь-Сүмбэр, Дундговь аймгуудад зохион байгуулж байна. Сайншанд суманд зохион байгуулагдаж байгаа түүх, нийгэм, гадаад хэл, монгол хэл уран зохиолын  сургалтад 4 аймгийн нийт 96 багш хамрагдаж байгаагаас Сайншанд сумын хоёрдугаар, Замын-Үүд сумын нэгдүгээр сургуулийн 31 багш хамрагдаж байна. Дундговь аймагт байгалийн ухааны чиглэлээр зохион байгуулагдаж байгаа бүсийн сургалтад манай аймгаас 36 багш, Говь-Сумбэр аймагт биеийн тамир, дуу хөгжмийн сургалтад 17 багш оролцож байна.

Лаборатори сургуулиудад суурь боловсролын туршилтын хөтөлбөр хэрэгжсэнээр ирэх хичээлийн жилээс хэрэгжих суурь боловсролын хөтөлбөрийн бэлтгэл хангагдах ажээ.