Японы мэргэжлийн сүмогийн Нацу башёгийн 14 дахь өдрийн барилдаан амжилттай болж өндөрлөлөө. Башёг тэргүүлж яваа их аварга Хакүхо өнөөдрийн барилдаанд Харүмафүжиг давсанаар 37 дахь түрүүгийн болзлоо хангалаа. Тэмцээнийг тэргүүлэгчдийн эгнээнд явж байсан озэки Кисенасато өнөөдрийн барилдаанд Какарюү их аваргад унаснаар хоёр унаатай боллоо.
Сүүлийн өдрийн барилдаанд Их аварга Хакүхо, Какарюүтэй хүч үзнэ. Их аварга Харүмафүжи озэки Кисанасатотой барилдахаар оноолт таарчээ.