Сайхан эр хүн гэж өөртөө арчаатай хүнийг хэлнэ. Эр хүний юу өмссөн байх, эдэлж хэрэглэж буй зүйл нь ямар үнэтэй байх, хэр царайлаг байх нь хамаагүй. Хэрэв бохир заваан л бол сайхан байж чадахгүй. Тиймээс бид эр хүний, таны шинэ төрхийг бий болгох алхмуудыг нэрлэж байна.

1.Нүүрээ цэвэрлэх

Энэ бол өглөө усаар нүүрээ булхаад өнгөрөхийн нэр биш. Нүүрээ хуурайшихаас хамгаалж, нүүрний скраб хэрэглэ. Мөн нүүрэн дээр боирдолтоос үүсдэг элдэв батга, улаан толбыг арилгахын тулд нүүрээ сайтар цэвэрлэж байх нь зүйтэй. Гоо сайхны бүтээгдэхүүн зөвхөн эмэгтэйчүүдэд зориулсан зүйл гэж хэн хэлээд байгаа юм бэ? Эр хүн та ч бас бусдад сайхан харагдахыг хүсэж байгаа биздээ.

2.Сахлаа хусах

Арьсныхаа онцлогийг мэдэж авсан бол сахлаа хусахаас амархан зүйл гэж байхгүй. Ихэнх эрчүүд сахлаа өдөр бүр хусдаг ч иргүй хутгаар хусах гэж хичээгээд байдаг нь тэдний хамгийн том алдаа юм. Сахлаа хусах бүртээ шинэ сахлын хутга хэрэглэх нь зүйтэй. Зарим үед сахлаа хусахгүй байсан ч дээр. Жорж клуни сахалтайгаа ч дажгүй харагддаг шүү дээ.

3.Арьсаа чийгшүүлэх

Нарны туяа бол арьсны нэг номерын дайсан. Арьсыг хуурайшуулж, баллаж орхидог. Арьсныхаа чийглэг байдлыг хадгалахын тулд өдөр бүр арьсныхаа онцлогт тохирсон тос түрхэж байх нь чухал. Глицерин, эсвэл чийгшүүлэгчтэй лосьон сонгохоо мартуузай. Спиртний найрлагатай тос, чийгшүүлэгч лосьон арьсыг аврахаасаа илүү хуурайшуулдаг.

4.Уруулаа арчлах

Уруул хуурайшиж хагарах, омголтох нь уур амьсгал, салхитай холбоотой. Хэрэв та өдрийн ихэнх цагийг гадаа өнгөрүүлдэг бол уруул өнгөлөгч бальзам хэрэглэхээс бүү цааргалаарай.