Ардын заргын товчоо ТББ-с "Эрдэнэс Монгол" ХХК-ийг татан буулгаж, Төрийн өмчид Багануур ХК, Шивээ-Овоо ХК-иудыг үр ашигтай ажиллуулах, хөрөнгө оруулалт хийх тухай хугацаатай шаардлагыг МУ-ын ерөнхий сайдад хүргүүлэх талаар өнөөдөр мэдээлэл хийлээ. Тодруулбал: "Ардын заргын товчоо" ТББ долоо хоногийн дотор Засгийн газрын хуралдаанаар хэлэлцэн шийдвэрлэхийг шаардсан шаардлагадаа дараах 5 зүйлийг тусгажээ.
ШУУД ҮЗЭХ: https://www.facebook.com/MASS.AGENCY.GROUP/videos/1907703889242094/
- Удирдлага, зохион байгуулалт, менежмент, зарлагын хувьд алдаатай бодлого явуулж буй "Эрдэнэс Монгол" ХХК-ийг татан буулгах
- "Багануур", "Шивээ-Овоо" ХК-иудад техникийн шинэчлэл яаралтай хийж олборлох зардалыг бууруулах арга хэмжээ авах
- "Багануур", "Шивээ-Овоо" хувьцаат компаниудын өр төлбөрийг төр өөрийн эзэмшлийн хувьд нийцүүлэн хөрөнгө оруулалт болгон барагдуулах
- Төрийн өмчид компаниудын менежментийг сайжруулах, компаниудын үйл ажиллагаанд Засгийн газрын бодлогыг уялдуулах үүднээс төрийн эзэмшлийг Төрийн өмчийн бодлого зохицуулалтын газарт, удирдлага чиг үүргийг Эрчим хүчний яаманд хариуцуулахыг шаардаж байна.
- Улсын төсвөөр хайгуул хийсэн Багануур, Шивээ-Овоо уурхайн хууль бусаар шилжсэн "Алтайн Гянт" ХХК, "Эйкүсора" ХХК-ийн ашигт малтмалын тусгай зөвшөөрлийг яаралтай төрд буцаан авах.
гэсэн шаардлагыг хүргүүллээ. Энэхүү шаардлагын хариуг ирүүлэхгүй болвоос тэмцлийн дараагийн хурц хэлбэрт шилжихээ мэдэгдлээ.