Б.ДӨРВӨННАНДИН: Ямар улирал вэ, баярын өдөр үү эсвэл амралтын өдөр үү гэхчлэн цаг үеийн нөхцөл байдаас шалтгаалж орж ирэх дуудлагын ачаалал янз бүр байдаг. Жишээлбэл, шинэ жилийн үеэр ресторан, эвэнт зохион байгуулагч, даашинз түрээс, гоо сайхны үйлчилгээ, такси дуудлага, пицца тахиа захиалга зэрэг лавлагаа түлхүү зонхилдог. Харин зуны улиралд аяллын маршрут, амралт сувиллын газрууд, түүхэн дурсгалт газруудын талаарх лавлагаа давамгайлдаг.

Х.Ганхуяг: Манай улс 32.9 их наяд төгрөгийн төсвийн зарлагатай. 8.8 их наяд төгрөг нь хөрөнгө оруулалт. Дахиад 8.8 их наяд нь цалин, тэтгэвэр. 17 их наяд нь урсгал зардал. Урсгал зардалд хүүхдийн мөнгө, цалин ордог. Цаана нь ердөө тавхан их наяд төгрөг байгаа. Улс болон аймаг, сумны ЗД нар тэр таваниих наяд төгрөгт багтааж, үйл ажиллагаа явуулдаг. Тэндээс хасаад цалин, тэтгэвэр рүү шилжүүлж байгаа юм. Өөрөөр нэмэх ямар ч боломж байхгүй. Мөнгө хэвлэлтэй биш. Засгийн газар Бор тээгийн ордыг ирэх жилээс эдийн засгийн эргэлтэд оруулж, төсөвт тодотгол хийнэ.

С.Бяибацогт: “Эрдэнэс Таван толгой” ХК-ийн удирдлагыг сонгохоор сонгон шалгаруулалт зарласан байгаа. Ойрын хугацаанд тодруулна. Энэ компанийг нээлттэй, ард түмний хяналтад байлгахаар ЗГ-аас тодорхой бодлого гаргаж байна.Тухайлбал, гадаад, дотоодын хөрөнгө оруулагчдыг татах, тэдгээр хөрөнгө оруулагчид нь компаний үйл ажиллагаанд хяналт тавих нөхцөлийг бүрдүүлэхийн төлөө ЗГХЭГ ажиллаж байгаа. Уул нь зөв юм байгаа юм. Гэхдээ хувьчилна гэж ярих юм бол хувьчлаад хулгайлж авах гэж байна гэж манайхан харддаг.

Эрүүл мэндийн салбар боловсон хүчний дутагдалтай тулдаа эмч, сувилагч, асрагч нар тулаа хийж, илүү цагийн нэмэгдэл нь “шүлс” шиг цалин дээр нь нэмэр болдог. Гэхдээ энэ нь цаагуураа эмч, ажилчдынхаа эрүүл мэндийг доройтуулж, цаашид энэ салбар улам л хүн хүчний дутагдалд орох нэг нөхцөл болж болзошгүй.

Т.МӨНХСАЙХАН: 2026 оны төсөвт тодорхой хэмжээгээр нэмэх гэж байна. Тэгвэл 2027 онд хэдэн хувиар нэмэх бэ гэдэг асуудлыг одооноос ярьж, боломжийг эрэлхийлэх ёстой.

Ж.ЧИНБҮРЭН: Хэрвээ 2025 онд өмнөх оны өрийг төлөхөд 326 тэрбум төгрөг зарцуулаагүй бол эмч, ажилчдынхаа цалинг багадаа 10 хувиар өсгөх боломжтой байсан. Цар тахлын үед үүсгэсэн өр төлбөрийг НДС-д тохох нь анхнаасаа буруу байсан. Олон нийтийг хамарсан халдварт өвчнийг санхүүжүүлэхэд 500 гаруй тэрбум төгрөгийг НДС-гийн эрсдэлийн сангаас гаргасан нь буруу байсан.

С._ЦЭНГҮҮН: Хүүхдийн мөнгө хасахыг буруушаасан иргэдийн саналыг би хүлээж авч байна. Хөнгөлөлттэй зээл, татаасууд болон спорт заал гэх мэт үр өгөөж муутай хөрөнгө оруулалтуудыг танахаар 1.2 их наяд төгрөг гаргах боломжтой юм байна гэдэг судалгааг УИХ-ын гишүүн Ч.Лодойсамбуу, Ш.Бямбасүрэн гишүүний хамтаар гаргасан. 1.2 их наядын 600 тэрбум нь дангаараа “Шин хоршоо” хөтөлбөр байна. Энэ саналаа чуулганд оруулна.

Э.ЭРДЭНЭЖАМЪЯН: УИХ-ын Дэгийн хуулиар хэлэлцэх асуудалд ороогүй асуудлыг нэгдсэн чуулганаар хэлэлцсэн нь адилхан Дэгийн хууль зөрчиж байна гэдэг асуудлаар ҮХЦ-д хандаж байна. ҮХЦ хуулийг нэг мөр хэрэглэх юм бол УИХ-ын дэд дарга Б.Пүрэвдоржийг Х.Булгантуяатай адилхан хууль зөрчсөн, хууль дээдлээгүй гэж үзнэ. Эс бөгөөс өмнө гаргасан шийдвэрээ эргэж хараад УИХ-д ажлаа хэвийн явуулах нөхцөлийг бүрдүүлж өгнө гэж харж байгаа.

Төр, хувийн хэвшлийн түншлэлийн тухай хуулиар Монгол Улсын хэмжээнд анх удаа хэрэгжих томоохон бүтээн байгуулалтын нэг “Хог шатааж эрчим хүч гаргах үйлдвэр” барих түншлэлийн гэрээг өнөөдөр байгуулж байна. Нийслэлийн Засаг дарга бөгөөд Улаанбаатар хотын Захирагч Х.Нямбаатар, Рэншоу Сычуань эрчим хүчний хөрөнгө оруулалт, байгаль орчныг хамгаалах ХХК-ийн ТУЗ-ийн дарга, Улаанбаатар хог шатаах үйлдвэрийн төслийн менежер, үйлдвэрийн дарга Танг Яа Ү нар гэрээнд гарын үсэг зурлаа. Тус төслийн гүйцэтгэгчээр Рэншоу Сычуань эрчим хүчний хөрөнгө оруулалт, байгаль орчныг хамгаалах ХХК шалгарсан юм.

УИХТГ мэргэжил, арга зүйн туслалцаа үзүүлдэг. Хуралдаан даргалагч өөрөө санаачилж удирдсан уу эсвэл Тамгын газраас зөвлөсөн үү гэдгийг тодорхой болгох ёстой. Энэ бол өмгөөллийн гол point. Өмгөөлүүлэх эрх нь хангагдаагүй учраас Х.Булгантуяа ХЭҮК-т хандах хэрэгтэй. ХЭҮК бол ҮХЦ-ийн шийдвэрийг зөв, буруу гэхгүй. Харин зөвлөмж гаргана. Тэр зөвлөмжийг аливаа албан тушаалтан хэрэгжүүлэх үүрэгтэй. Хэрэгжүүлэхгүй бол ажлаас чөлөөлөгдөх үндэслэл болдог.