Судалгаа бөглүүлнэ гэх хуурамч зар байршуулж  иргэдийн фейсбүүк хаягт хууль бусаар халдаж, бусдыг залилсан тохиолдол бүртгэгджээ.

Тодруулбал, өнгөрсөн оны 8-р сард иргэн Б фейсбүүкт байршуулсан 20 мянган төгрөгөөр судалгаа бөглүүлнэ гэх зар мэдээллийн дагуу Ц гэгчтэй холбогдож, өөрийн гар утасны дугаарт ирсэн 6 оронтой нууц кодыг илгээжээ. Ингэснээр Ц гэгч нь фейсбүүк хаягт нь хууль бусаар халдаж, бусад руу мөнгө зээлээч гэх утгатай зурвас явуулж, 3 иргэнээс нийт 18 сая төгрөг авч залилжээ. 

Уг хэрэгт цагдаагийн байгууллагаас мөрдөн шалгах ажиллагаа явуулж иргэн Ц-г судалгаа бөглүүлнэ гэх хуурамч зар байршуулсан, бусдын эд хөрөнгийг залилсан хэрэгт эрүүгийн хуулийн тусгай ангийн 17.3, 26.1-р зүйлд зааснаар яллагдагчаар татаж хэргийг шүүхэд шилжүүлэх саналтай, прокурорт шилжүүлсэн байна. 

Тиймээс иргэн та өөрийн фэйсбүүкийн нууцлалыг сайжруулж, нууц кодоо бусдад дамжуулахгүй байхыг зөвлөж байна.