Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр болон ЕТГ-ын Хүнсний төсөл, хөтөлбөрийн албаныхан Эдийн Засаг Хөгжлийн яамны МЭЗБГ-ын ахлах шинжээч Х.Мөнхжавхлан болон МЭЗБГ-ын мэргэжилтэн Б.Амина нарыг хүлээн авч уулзлаа.

Уулзалтаар “Хүнсний хангамж, аюулгүй байдал” үндэсний хөдөлгөөний хэрэгжилт, үр дүнгийн статистик судалгааг танилцуулж, санал солилцлоо.

Тус статистик судалгаагаар

• Хүлэмжийн ногооны үйлдвэрлэл 2024 онд 26 мянган тоннд хүрч, өмнөх оноос 6 хувь, суурь түвшнөөс 20 хувиар тус тус өссөн.
• Хүнсний ногоо (төмс, лууван, байцаа, сонгино, сармис манжин, хүрэн манжин) үйлдвэрлэл 507мянган тоннд хүрч, өмнөх оноос 40 хувь, суурь түвшнөөс 49 хувиар тус тус өссөн үзүүлэлттэй байгаа юм.

Мөн “Хүнсний хангамж, аюулгүй байдал” үндэсний хөдөлгөөний хүрээнд 19 төрлийн бүтээгдэхүүн үйлдвэрлэлийг дэмжих чиглэлд 400 гаруй нэр төрлийн шинэ тоног төхөөрөмжийн гаалийн татварыг 2027 оны 01 дүгээр сар хүртэлх хугацаанд чөлөөлснөөр хүнсний үйлдвэрлэлийн зориулалттай тоног төхөөрөмжийн өсөлтийг дэмжсэн байна.