Францын Ерөнхийлөгч Эммануэль Макрон уржигдар Вьетнамд айлчлалаар ирж онгоцноос буух гэж байхад эхнэрийн гар орж ирж алгадсан, түлхсэн ч юм шиг бичлэг интернэтийн тренд болсон. Макрон энэ талаар мэдэгдэл хийхдээ “Бид зүгээр л тоглож байсан юм” хэмээн ярьжээ. Францын төрийн тэргүүнийг гэргий нь алгадсан байж болзошгүй бичлэг Францад дуулиан болж, уг бичлэгийг задлан шинжлэх уралдаан өрнөж байна. Онгоцны хаалгыг онгойлгох агшинд Макрон харагдаж, өөдөөс ирсэн “мангасдалт”-аас бултах оролдлого хийгээд камерууд бичиж байгааг хараад гэнэт инээмсэглэн гараа даллажээ. “Гэнэтийн дайралт” байндаа тусаж Макрон алгадуулж байгаа нь тод харагдсан. Яг энэхэн агшны дүрс, мэдээ Макроны Вьетнамд хийж буй айлчлалаас илүү жин дарж байгаа тул тэрээр мэдэгдэл хийхээс аргагүй болжээ. “Бид зүгээр л нөхөрсгөөр маргалдаж байсан. Өөр юу ч болоогүй. Хүмүүс ч тэгээд дэвэргэдгээрээ дэвэргэж байна. Зеленскийтэй хар тамхи хувааж татаж байгаад баригдлаа гээд л сэвсэн. Ямар ч тийм юм болоогүй. Тэр бичлэг, зурагнууд бодит, гэхдээ хэвлэлээр шуугиж байсан шиг юм болоогүй. Тэгэхээр тайван амгалан байцгаа” хэмээн Францын лидер ярьжээ.