Ардчилсан намын Үндэсний бодлогын хороо хуралдаж буйтай холбоотойгоор тус намын гишүүн Д.Мөнх-Эрдэнээс байр суурийг нь тодрууллаа.

Ардчилсан намын гишүүн Д.Мөнх-Эрдэнэ: Намын хурлаа хариуцлагатай газар хиймээр байна. Одоо бааранд хийж байна. Хажуудаа баахан VIP өрөөтэй. Хардлага их байна. Манай намыг зарж идсэн С.Эрдэнэ тэргүүтэй "Ардчилсан хүчирхийлэгчдийн холбоо" гэсэн юм Төрийн ордонд хуралдаж болоод байхад парламентад 42 суудалтай манай нам Төрийн ордонд яагаад хуралдаж болдоггүй юм. ҮБХ-д 300орчим кнопчин байгаа. Ихэнх нь намаа зарж идсэн Жэнко, С.Эрдэнэ нарын кнопчид бий. Бүгд эзэнтэй. 

Улс төрийн нам үүд хаалгаа нээгээд, сэлгээ хийгээд, шинэчлээд улс эх орон, үзэл баримтлалынхаа төлөө явах ёстой ч харамсалтай нь тийм биш, ний нуугүй хэлэхэд. Намын дүрэм одоо шинэчлэгдэх ёстой. Тэрнээс өмнө намын даргаа солих ёстой, ялагдсан хариуцлагаа хүлээх ёстой!