Ардчилсан намын ҮБХ-ны хурал болж буйтай холбогдуулан намын даргад нэр дэвшихээ зарласан УИХ-ын гишүүн Ж.Баярмаагаас тодрууллаа.

Ж.Баярмаа: Энэ айл гэр эзэнтэй байгаа юм уу, үгүй юу гэдэг асуудал тулгарч байна. Хамгийн эхэнд шийдэх ёстой асуудал бол Ардчилсан нам аавтай болох ёстой. Мөн айл өрх ганц аав дээр тулгуурлахгүй тул төсөв мөнгөө зохицуулдаг, бодлого шийдлээ чихэнд нь шивнэдэг ээжтэй болох ёстой. 

Би 2001-2006 он хүртэл Үндэсний зөвлөлдөх хороонд байсан. Дараа нь 2019 оноос өдийг хүртэл Үндэсний бодлогын хорооны гишүүнээр ажиллаж байна. Насаараа энд ажилласан. Ер нь Ан ямар ч хүнд нээлттэй байх ёстой. Гэхдээ хууль цаазтай улсад амьдарч байгаа болохоор ҮБХ-ны гишүүн намын даргад нэр дэвших хэрэгтэй.

Мэдээж ялагдана гэж ямар ч хүн тэмцээнд ордоггүй. Тиймээс би ялахын төлөө явж байгаа. Яагаад би АН-ын дарга болох гэж байна гэхээр Монголд болохгүй зүйлс их байна.