АН-ын ҮБХ-ны хурал үргэлжилж байна. 

Х.Тэмүүжин: АН-ын дарга Л.Гантөмөр чөлөөлөгдөх хүсэлтээ өгсөн. Иймд журмынхаа дагуу бүх зүйл дэс дараатай явж байна. 2021 оны Ерөнхийлөгчийн сонгуулиар АН хоёр тамгатай болж, дээд шүүхэд бүртгүүлж чадалгүй сонгуульд ялагдсан. Энэ захиалгатай зүйл байсныг бүгд мэдэж байгаа. Дахин тийм зүйл болох вий гэдэг болгоомжлол манай намынханд байгаа. 

Бид хаширсан. Талцаж, хуваагдаад бусдын идэш болдгийг мэдсэн. Тиймээс дараагийн АН-ын дарга эв нэгдлийг хангадаг, зангаргатай, туршлагатай хүн байх ёстой. Ардчилал гажуудаж байгаа энэ цагт АН-ыг ялуулагч менежер байж, бусдын хатавчинд хэвтдэггүй байх ёстой.

Бид сүүлийн үед үнэт зүйлээсээ холдож, заримдаа гадны гар хөл болж байгаа мэт дүр зураг харагдах болсон учраас мөс зүсэгч, манлайлагч дарга байх ёстой. Мөн үжирсэн хүмүүсээсээ салаасай гэж хүсэж байна. Би бол намын даргад нэрээ дэвшүүлэхгүй.