Канадын Уул Уурхайн Ассоциацийн Ерөнхийлөгч Пиеррэ Граттон 9-р сарын 11-13-ны өдрүүдэд Налайх дүүргийн Тайж хайрхны бэлд болох “MiningWeek & MinePro 2025” арга хэмжээнд илтгэгчээр оролцоно.

Канадын Уул уурхайн ассоциаци нь дэлхийд нэр хүндтэй байгууллага бөгөөд, уул уурхайн салбарт дэлхийн хамтын ажиллагааг бэхжүүлэхэд томоохон байр суурьтай оролцогч юм. Тус ассоциаци нь байгаль орчныг хамгаалах, нийгмийн хариуцлагыг хангах зорилгоор хариуцлагатай, тогтвортой уул уурхайн туршлагыг эрхэмлэн дээдэлж, өндөр стандарт, инновацийг дэмжин, оролцогч талуудын хамтын ажиллагааг бэхжүүлэхэд гол нөлөө үзүүлдэг байна.

Монголын эрдэс баялгийн салбарын хамгийн том, өргөн цар хүрээтэй хамтын ажиллагааны платформ – “MiningWeek & MinePro 2025” олон нийтэд нээлттэй явагдана.

Уулын аварга том техникүүдийг нүдээр үзэж, уул уурхайн салбарын шилдэг технологиудтай танилцахаас гадна гэр бүлээрээ үзэж сонирхох олон талт арга хэмжээнүүд зохион байгуулагдана.