УИХ-ын гишүүн Ө.Шижир Ардчилсан намын даргад нэр дэвшихээ илэрхийлсэн. Тэрээр намын даргад өрсөлдөхийн тулд 19:00 цагаас өмнө 200 сая төгрөг авч ир гэлээ хэмээн шүүмжлэлтэй хандсан. Уг асуудлын дараа шаардлага хангасан нэр дэвшигчдийг батламжилсан ч Ө.Шижир хугацаандаа амжиж хураамжаа төлөөгүй учир, даргын төлөөх өрсөлдөөнөөс хасагдсан юм.

Тэрээр өөрийн цахис хуудаснаа "Надаас бусад нэр дэвшигчид 200 сая төгрөгөө бэлнээр төлсөн байна. Ардчилсан намын дүрмээр 363 үндэсний бодлогын хорооны гишүүд татвар гээд тус бүр 6 сая төгрөг 2025 онд төлсөн. Нийт дүн 2.2тэрбум төгрөг.

Улсын төсөв буюу татвар төлөгчдийн мөнгөнөөс намуудыг хараат бусаар ажиллаарай гэж авсан саналын тоогоор Ардчилсан намд 2.1 тэрбум өгсөн. Ганц хурал хийж намын гишүүдээ цуглуулах тийм хэцүү гэж үү дүрэмдээ зааснаар жилд нэгхэн удаа их хурлаа зохион байгуулах гэж хүн бүр 200 сая төгрөг тушаа гэсэн. 363хан саналын хуудас хэвлэх яасан их зардалтай юм. Бүх шаардлагыг нь хангаж байгаа ч 30 минутын дотор банк хаасны дараа 200 саяыг нь бэлнээр өгөөгүй төлөөгүй гээд дүрэмд байхгүй журмаар хасагдана гэж байхгүй" гэжээ.