Улс төр
2025.09.29 17:39
960Д.Амарбаясгалан: Зохион байгуулалттайгаар тараасан гүтгэлгийг шийдвэрлүүлэхээр холбогдох байгууллагуудад хандсан
МАН-ын бага хурал өнгөрсөн амралтын өдрүүдэд болж өндөрлөсөн. УИХ-ын дарга Д.Амарбаясгалан Бага хурлын гишүүдийн 85.67 хувийн санал авч, МАН-ын дарга болсон. Тэрээр өөрийн цахим хуудаснаа дараах мэдэгдлийг нийтэлжээ.
Ардын намын Бага хурлын гаргасан шийдвэртэй холбогдуулан Ардчилсан намын дарга мэдээлэл хийжээ.
Улс төрийн намууд бие биенийхээ дотоод асуудалд оролцох нь зохисгүй бөгөөд шүүх тогтоогоогүй тохиолдолд хэнийг ч гэм буруутай гэж үздэггүй. Үндсэн хуулийн зарчимтайг Та мэдэх бизээ.
Дашрамд миний бие өнөөдрийг хүртэл хууль хяналтын байгууллагад аливаа асуудлаар шалгагдаагүй болно. Харин надтай холбоотой зохион байгуулалттайгаар тараасан гүтгэлгийг шийдвэрлүүлэхээр холбогдох байгууллагуудад шалгуулахаар хандсаныг үүгээр мэдэгдэж байна.
