УИХ-ын гишүүн С.Цэнгүүн хүүхдийн мөнгөтэй холбоотой асуудлаар байр сууриа илэрхийллээ.

Тэрээр, Иргэдийн данс руу мөнгө тараадаг уламжлалтай болоод байна. Сонгууль эсвэл улс төрийн шийдвэртэй холбоотойгоор төрийн өмчит компаниас 200, 300 мянгаар нь өгдөг. Энэ нь инфляцыг өсгөж байна. 

Хүүхдийн мөнгө 100 мянган төгрөг өгч байна. Гэтэл дараа жилийн 100 мянган төгрөгөөр авдаг байсан хүнсээ авах гэхээр сагс дүүрэхгүй хэмжээнд хүрч байна. Тиймээс инфляц гэдэг зүйлийг бид маш сайн ойлгодог байх хэрэгтэй. 

Яагаад гэхээр бодит мөнгө биш цаас хэлбэрээр Монголбанк хэвлээд иргэддээ өгчихдөг. Улс төрчид нь иргэдийнхээ аж амьдралыг боддог хүмүүс гэж нэр аваад, сонгуульд ялалт байгуулаад явчихдаг. Гэтэл бодит байдал дээр таны амьжиргаа сайжирсан уу гэвэл үгүй байдаг. Энэ мөнгийг авахдаа бид өнөөдөр амьжиргаанд хэрэгтэй гэж харж байгаа.

Гэхдээ 2016 оны 100 мянган төгрөг өнөөдрийн 100 мянган төгрөгийн харьцаа асар өндөр ялгаатай. Төгрөгийн ханш тэр хэмжээгээр унаад байна.  Улс төрчдийн амладаг мөнгөнүүд гоё сонсогдож байгаа. Бид нарт хэрэгтэй юм шиг. Тэр мөнгөгүй л бол өнөөдөр бид амьдарч чадахгүй юм шиг мэдрэмж өгч байгаа. Гэхдээ бодит байдал дээр энэ нь цаас болоод яваад байдаг. 

Шууд дамжуулалт: