Нээлтийн үйл ажиллагаанд ГБХНХ-ын Сайдын зөвлөх Г.Саран, БНХАУ-ын Элчин сайд Шэнь Миньжуань, CTCE группын ТУЗ-ийн дарга Ан Еэ, ХБХХЕГ-н дарга Д.Гэрэл нар оролцож, ХБХСЗХТ-ийн дарга М.Амаржаргал төвийн үйл ажиллагааны өнөөгийн байдал бүтэц, цаашдын зорилтын талаар илтгэл танилцуулав.

Мөн арга хэмжээний үеэр СТСЕ группын хамт олон ХБХСЗХТ-ийн дараах шилдэг ажилтан, албан хаагчдыг гарын бэлэг гардуулж, шагнан урамшууллаа.

1. О.Эрдэнэсүрэн /Тусгай хэрэгцээт боловсролын багш/

2. А.Нямсүрэн /Хөдөлгөөн засалч/

3. Б.Ариунжаргал /Сувилагч/

4. Б.Болор-Эрдэнэ /Туслах технологийн ажилтан/

5. А.Батбаяр /Ахлах тогооч/

6. Э.Болормаа /Үйлчлэгч/

Тус төвд эмнэлзүйн ур чадварын сургалтын өрөөг тохижуулж хүлээлгэн өгсөн БНХАУ-ын Элчин Сайдын Яам, CREC Компанид ХБХСЗХТ-ийн хамт олон болон нийт хөгжлийн бэрхшээлтэй хүүхэд, тэдний эцэг эх, асран хамгаалагчдын нэрийн өмнөөс чин сэтгэлийн талархал илэрхийлье.