Гуандүн, Хонконг, Макаогийн их булангийн Амьдрал, Эрүүл мэндийн аж үйлдвэрийн инновацын бүс нь “Хонконг, Макао эмнэлгийн тоног төхөөрөмж, эмийн түр зөвшөөрөлтэй нэвтрэх” бодлогыг түрүүлэн хэрэгжүүлэх ажлыг эрчимтэй ахиулж, уг бодлогыг Жүншань нэгдүгээр эмнэлэг зэрэг улсын хэмжээний гуравдугаар зэрэглэлийн 10 нэгдсэн эмнэлэгт амжилттай хэрэгжүүлж байна.

Инновацын бүс нийт 16 төрлийн онцлог бүхий үйлдвэрлэлийн паркийг бүтээн байгуулж, 200 гаруй аж ахуйн нэгжийг татан төвлөрүүлсэн бөгөөд аж үйлдвэрийн талбай 700 мянган м.кв-аас давсан аж. Хуаньдүн талбайн хуучин барилгуудын шинэчлэлтийн төсөл нь салбартаа жишиг болж, улсын анхны CRO аж үйлдвэрийн цогцолборын үйл ажиллагааны төвийг байгуулжээ.

Одоогийн байдлаар инновацын бүс нь Гуанжөү хотын инновацын эмийн клиник туршилтын үйлчилгээний төв, Гуандүн, Хонконг, Макаогийн их булангийн Амьдрал, Эрүүл мэндийн аж үйлдвэрийн инновацын бүсийн клиникийн өмнөх амьтан дээр хийдэг туршилтын үйлчилгээний төв зэрэг олон төрлийн аж үйлдвэрлэлийн үйлчилгээний платформыг бүрдүүлээд байна. 

Жүншан их сургуулийн Оюуны өмчийн шилжүүлэг, ашиглалтын төвтэй хамтран олон эмнэлгийн төслийг холбож, дамжуулах ажлыг дэмжсэн бөгөөд нийт гэрээний дүн ойролцоогоор 1.8 тэрбум юаньд хүрсэн байна.

Амьдрал, эрүүл мэндийн салбарын хэмжээнд Хуа Рүнь Гуандүн Эм, Гуандүн Тунюн Эм, Гуанжөү Гүө-ин Эм зэрэг 781 томоохон аж ахуйн нэгж үйл ажиллагаа явуулж байна.

Гуанжөү эрүүл мэнд, эмчилгээний төвөөр цөм болгож, Гуандүн, Хонконг, Макаогийн их булангийн Амьдрал, Эрүүл мэндийн аж үйлдвэрийн инновацын бүс нь Дүншань нарийвчилсан оношилгоо, эмчилгээ, Чюйжуан биологийн эм, Яньжян эрүүл мэндийн санхүү, Эрша спорт, эрүүл мэнд, Лүхү ухаалаг асрамжийн аж үйлдвэрийн парк гэсэн “таван том аж үйлдвэрийн бүс”-ийг төлөвлөж, эрүүл мэнд, амьдралын салбарын нягт баялаг нөөцийг нэгтгэн, Дүншанкөү Их булангийн бүсийн Эрүүл мэндийн гол бүс + Олон улсын амьдрал, эрүүл мэндийн аж үйлдвэрийн цагариг гэсэн “нэг цөм, нэг цагариг” бүтэцтэй аж үйлдвэрийн орон зайн зохион байгуулалтыг бүрдүүлж байна. Ингэснээр эрүүл мэндийн үйлчилгээний хүчин чадал, чанарыг дээшлүүлж, амьдрал, эрүүл мэндийн аж үйлдвэрийн хөгжлийг хүчтэй ахиулж байна.

Клиник туршилт болон үр дүнгийн өөрчлөлтөд чиглэн, Гуандүн, Хонконг, Макаогийн их булангийн Амьдрал, Эрүүл мэндийн аж үйлдвэрийн инновацын бүсэд Гуанжөү хотын инновацын эмийн клиник туршилтын үйлчилгээний төвийг байгуулж, Хятад улсад анхны нээлттэй клиник судалгааны сэдэвт орон зай болох “π Зочны өрөө”-г бий болгосон. Энэхүү платформ нь PI /клиник туршилтын судлаач/ болон биологийн эмийн судалгааны аж ахуйн нэгжүүдийн харилцаа, үйлчилгээний тогтолцоог бүрдүүлж, өндөр технологийн үр дүнг судалж, турших, үйлдвэрлэх гүүрийг байгуулах замаар эмнэлгийн үйлчилгээг чанарын өндөр түвшинд хөгжүүлэх, амьдрал, эрүүл мэндийн салбарыг өндөр түвшинд ахиулахад түлхэц өгч байна. Одоогоор Жүншань их сургуулийн Гуравдугаар эмнэлэг, Жүншань их сургуулийн Сүнь Ишяний дурсгалын эмнэлэг болон Юйшы Фарм зэрэг байгууллагуудын хооронд клиник судалгааны хамтын ажиллагааг амжилттай зохицуулсан бөгөөд “π Зочны өрөө” нь Хятадын клиник туршилтын салбарын 2021 оны арван том онцлох үйл явдалд багтжээ.

Гуандүн, Хонконг, Макаогийн их булангийн Амьдрал, Эрүүл мэндийн аж үйлдвэрийн инновацын бүс нь Их булан бүсийн амьдрал, эрүүл мэндийн технологи дамжуулалтын төв, Жүншань их сургуулийн Оюуны өмчийн шилжүүлэг, ашиглалтын төв /эрүүл мэндийн аж үйлдвэрийн бааз/, Үндэсний Супер компьютрын Гуанжөү дахь төвийн Юэшю дэд төв, Гуандүн, Хонконг, Макаогийн их булангийн Амьдрал, Эрүүл мэндийн аж үйлдвэрийн инновацын бүсийн уламжлалт эмнэлгийн инновацын үйлчилгээний платформ зэрэг судалгаа, шинжилгээ, трансферийн цогц платформуудыг байгуулсан. Эдгээр нь “суурь судалгаа, клиникийн туршилт, үр дүнгийн шилжүүлэг” гэсэн бүхэл бүтэн аж үйлдвэрийн сүлжээг хамарч, шинжлэх ухааны үр дүнг практиктай холбон хэрэгжүүлэхийг дэмжиж байна.