Үндэсний эрх чөлөө, тусгаар тогтнолоо сэргээсний 114 жилийн ойг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа. Энэ үеэр дуучин Ж.Мишээл Алтангадас одонгоор энгэрээ мялаалаа. Тэрээр "2026 он үнэхээр гайхалтай жил эхэлж байна. Олон амжилт гайхалтай үйл явдал болох байх. Ерөнхийлөгч Алтангадас од шиг гялалзаж яваарай гэж хэлэхэд үнэхээр урам зориг өглөө. Сайхан шагнал байдаг юм байна.  Олон улсын тэмцээнд оролцож түрүүлэхэд Монголын маань нэр гарсан учраас үнэхээр их баярлаж байлаа" гэлээ.