АНУ-ын Ерөнхийлөгч Дональд Трампын захиргаа 75 орны иргэдийн цагаачлалын виз олгохоо  түр зогсоож байгаагаа мэдэгдлээ. Энэ нь Вашингтоны цагаачлалын хатуу арга хэмжээг өргөжүүлж буй арга хэмжээний нэг юм.
Төлөөлөгчийн хэлснээр, Бразил, Колумб, Уругвай зэрэг Латин Америкийн орнууд, Босни ба Албани зэрэг Балканы орнууд, Пакистан, Бангладеш зэрэг өмнөд Азийн орнуудаас болон Африк, Ойрхи Дорнод, Карибын тэнгисийн бүсийн олон орноос ирж буй цагаачлалын  өргөдлийг энэ сарын 21-нээс зогсооно.

АНУ-ын албан тушаалтан мэдэгдсэнээр үйлчилгээ зогсоох орны жагсаалтад: Афганистан, Албани, Алжир, Антигуа ба Барбуда, Армени, Азербайжан, Багам, Бангладеш, Барбадос, Белорусь, Белиз, Бутан, Босни, Бразил, Бирм, Камбож, Камерун, Кабо Верде, Колумб, Конго, Куба, Доминика, Египет, Эритрей, Эфиоп, Фижи, Гамбиа, Гүрж, Гана, Гренада, Гватемала, Гвиней, Гаити, Иран, Ирак, Ивори Кост, Ямайка, Иордан, Казахстан, Косово, Кувейт, Кыргызстан, Лаос, Ливан, Либери, Ливи, Македони, Молдова, Монгол, Черногори, Марокко, Непал, Никарагуа, Нигери, Пакистан, Конго улсын Бүгд Найрамдах Улс, Орос, Руанда, Сэнт Китс ба Невис, Сэнт Лусиа, Сэнт Винсент ба Гренадины арлууд, Сенегал, Сьерра Леоне, Сомали, Өмнөд Судан, Судан, Сирия, Танзани, Тайланд, Того, Тунис, Уганда, Уругвай, Узбекстан ба Йемен зэрэг орон орж байна.