Нийгэм
2026.03.04 14:56
762
Засгийн газрын хуралдаанаас гарсан шийдвэрийг ГБХНХ-ын сайд Т.Аубакир танилцууллаа.
Тэрээр "Манай яамнаас 2026 оныг хөдөлмөр эрхлэлтийг дэмжих жил болгон зарласан. Өнөөдрийн Засгийн газрын хуралдаанаас Өрхийн хөдөлмөр эрхлэлтийг дэмжиж ядуурлаас гаргах үндэсний санаачилга өрнүүлэх тухай тэмдэглэл гарлаа. Манай улсад 15-аас дээш насны 2.4 сая иргэн байгаагийн 1.5 нь ажиллах хүч. Хөдөлмөр эрхэлдэггүй 115 мянган хүн байна. Эдгээр хүмүүсийг хөдөлмөр эрхэлдэг болгохын тулд яах ёстой вэ гэдгийг тодорхойлсон.
Гэр бүл, хөдөлмөр, нийгмийн хамгааллын яам 2026 онд 5000 өрхийг хөдөлмөрт зуучлах зорилт тавин ажиллаж байна. Энэ нь хангалтгүй учраас Ерөнхий сайдын зүгээс шат шатны Засаг дарга, ИТХ-ын төлөөлөгч нарыг оролцуулах санаачилга гаргасан. ИТХ-ын төлөөлөгчид иргэдээсээ сонгогддог ч иргэдээ ядуурлаас гаргах санаачилга гаргаж ажилладаггүй. Тиймээс Ерөнхий сайдын зүгээс шууд үүрэгжүүлж, улирал бүр дүгнэж ажиллахаар боллоо. Хариуцлагагүй ажилласан Засаг дарга нарт хариуцлага тооцож, сайн ажилласныг нь урамшуулна. Энэ санаачилгын үр дүнд 25-30 мянган айл өрхийг орлоготой болгоно гэж үзэж байгаа" гэв.
Шууд дамжуулалтыг үзэх:
