ХААН Банк бизнесийн салбар дахь эмэгтэйчүүдийн тэгш оролцоог хангах, чадавхыг сайжруулах, бизнест нь хэрэгтэй мэдлэг мэдээлэл өгөх, санхүүжилтийн боломжуудыг санал болгох, туршлага хуваалцах боломжолгох зорилгоор “Women in business” арга хэмжээг 2021 оноос зохион байгуулж, нийслэл болон орон нутагт нийт 700 гаруй эмэгтэй бизнес эрхлэгчийг хамруулаад байна.

Тус арга хэмжээг Орхон аймагт өнгөрсөн пүрэв гарагтзохион байгуулж, салбар бүртээ манлайлагч, бизнес эрхлэгч эмэгтэйчүүдийн төлөөлөл, Орхон, Булган аймгийн 120 гаруй харилцагч урилгаар оролцсон юм.

Энэ жил 50 жилийн түүхт ой нь тохиож буй Зууны манлай бүтээн байгуулалт Эрдэнэт хот Ази тивд томд тооцогдох Эрдэнэт үйлдвэрийг дагасан олон боловсруулах үйлдвэрүүдтэй, ХАА, газар, тариалангийн бүс нутагтайхил залгаа байршилтай, үйлдвэрлэл, худалдаа үйлчилгээ хөгжсөн, хүн ам, зүй, эдийн засгийн хувьд жилээс жилд өсөн тэлж буй. Тус аймагт идэвхтэй үйл ажиллагаа явуулж байгаа ЖДБ эрхлэгчдийн 45 орчим хувь нь эмэгтэй бизнес эрхлэгч байгаа нь бизнесийн салбар дахьэмэгтэйчүүдийн оролцоо өндөр болохыг харуулж байна.2025 оны байдлаар ХААН Банкны Орхон салбараас нийт бизнесийн зээлийн 40 хувийг эмэгтэй бизнес эрхлэгчдэдолгосон зээл эзэлж байгаа нь мөн үүнийг баталж байна. Иймд эмэгтэйчүүдийн бизнес эрхлэх таатай орчин бүрдүүлэх, санхүүжилтээр дэмжих нь цаашид илүү тогтвортой үйл ажиллагаа явуулж, эдийн засагт бодит хувь нэмрээ оруулахад нь чухал нөлөө үзүүлнэ гэж үзэж буйгаа ХААН Банкны Иргэдийн банк хариуцсан дэд захирал Ч.Чинболд энэ үеэр онцолсон.

Монголын хүн амын 84 хувьд хүрч үйлчилдэг, 2.9 сая харилцагчтай үндэсний тэргүүлэгч банкны хувьд ХААН Банк үндэсний үйлдвэрлэгч, баялаг бүтээгч бизнес эрхлэгчдийг, тэр дундаа эмэгтэй бизнес эрхлэгчдийг бүх талаар дэмжин ажиллаж байна. Тухайлбал, 2025 онд олон улсын байгууллагаас нийт 530 сая ам.долларын урт хугацаат эх үүсвэр татан төвлөрүүлснээс 37 орчим хувийг бичил болон ЖДБ, тэр дундаа бизнес эрхлэгч эмэгтэйчүүдийг дэмжихэд тусгайлан зарцуулж байна. Өнгөрсөн онд дотоодын хөрөнгийн зах зээлд анх удаагаргасан Жендэр бонд мөн эмэгтэйчүүдийн эдийн засгийн оролцоо, бизнесийн үйл ажиллагааг санхүүжүүлэх замаар нийгмийн тогтвортой хөгжилд хувь нэмэр оруулах зорилготой билээ.

ХААН Банкнаас эмэгтэй бизнес эрхлэгчдэд зориулсан 3 төрлийн зээлийн бүтээгдэхүүн, тухайлбал, Эмэгтэй бизнес эрхлэгчийг дэмжих эргэлтийн хөрөнгийн болох хөрөнгө оруулалтын зээл, мөн Европын сэргээн босголт, хөгжлийн банк (ЕСБХБ)-тай хамтран Эмэгтэй бизнес эрхлэгчдийн цахим шилжилтийг дэмжих зээлийн үйлчилгээ үзүүлж байна. Зээлийн талаар дэлгэрэнгүй мэдээллийг ЭНД дарж авна уу. Мөн Монголд анх удаа эмэгтэйчүүдэд зориулсан зээлийн эрхтэй тусгайлсан лояалти хөтөлбөр бүхий Гламур кредит карт  санал болгодог. Түүнчлэн Бизнес эрхлэгч эмэгтэйчүүдийг дэмжих хөтөлбөр, менежментийн цогц хөтөлбөрийг Жижиг дунд бизнесийн академи, орон даяар байрлах Бизнес төвүүдээрээ дамжуулан хэрэгжүүлдэг билээ.

Хамтын өсөлт төгөлдөр – ХААН Банк