ОБЕГ-т ирсэн 3.20-ны  галын дуудлага мэдээллийг хүргэе.

Дархан-Уул аймгийн Дархан сумын 11 дүгээр багт гарч байна гэсэн дуудлагыг 08:25 цагт хүлээн авсан. Тус аймгийн Онцгой байдлын газрын 22 дугаар ангийн алба хаагчдыг очиход сургуулийн 12х15 метрийн хэмжээтэй гал тогоонд уурын жигнүүр шатаж байсныг ажиллан унтрааж, гал тогоо хариуцсан ахлах мэргэжилтэнд хүлээлгэн өгсөн. Утаажилтын бүсээс 800 иргэнийг гаргасан.

Нийслэлийн Хан-Уул дүүргийн 10 дугаар хороонд гэр шатаж байна гэсэн дуудлагыг 09:56 цагт хүлээн авсан. Тус дүүргийн Онцгой байдлын хэлтсийн 30 дугаар ангийн алба хаагчдыг очиход иргэн Л-ийн 5 ханатай гэр шатаж байсныг ажиллаж унтраасан.

Сэлэнгэ аймгийн Мандал сумын Баянсуудал 3 дугаар багт байшингийн цонх, хаалгаар утаа гарч байна гэсэн дуудлагыг 10:17 цагт хүлээн авсан. Тус аймгийн Онцгой байдлын газрын 19 дүгээр ангийн алба хаагчдыг очиход иргэн М-ийн эзэмшлийн 12х8 метрийн хэмжээтэй малын хашааны 2х8 метр хэсэг, 2.6 тн хураалттай өвс шатаж байсныг ажиллаж унтраасан.

Сонгинохайрхан дүүргийн 18 дугаар хороонд автомашин шатаж байна гэсэн дуудлагыг 10:47 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход "Prius Alpha" загварын автомашин бүрэн, "Porter" загварын автомашины буруу тал хаалга хайрагдаж, шатаж байсныг ажиллаж унтраасан.

Баянгол дүүргийн 12 дугаар хороонд хогийн суваг шатаж байна гэсэн дуудлагыг 14:08 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход хогийн сувагт хог шатаж байсныг ажиллаж унтраасан.

Баянзүрх дүүргийн 11 дүгээр хороонд гэр шатаж байна гэсэн дуудлагыг 14:05 цагт хүлээн авсан. Тус дүүргийн Онцгой байдлын хэлтсийн 63 дугаар ангийн алба хаагчдыг очиход иргэн Г-гийн 5 ханатай гэр эд зүйл, 6 метр хашаа, иргэн О-гийн 6х8 метрийн хэмжээтэй байшингийн дээвэр хэсэг шатаж байсныг ажиллаж унтраасан.

Баянзүрх дүүргийн 9 дүгээр хороонд автомашин шатаж байна гэсэн дуудлагыг 14:30 цагт хүлээн авсан. Тус дүүргийн Онцгой байдлын хэлтсийн 35 дугаар ангийн алба хаагчдыг очиход "SUBARU Impreza" загварын автомашин шатаж байсныг ажиллаж унтраасан.

Чингэлтэй дүүргийн 24 дүгээр хороо, Яргайт богино задгайд байшин шатаж байна гэсэн дуудлагыг 15:53 цагт хүлээн авсан. Сүхбаатар дүүргийн Онцгой байдлын хэлтсийн 74 дүгээр ангийн алба хаагчддыг очиход иргэн О-гийн 4х8 метрийн хэмжээтэй байшин шатаж байсныг ажиллаж унтраасан.

Увс аймгийн Улаангом сумын 7 дугаар багт гал гарч байна гэсэн дуудлагыг 17:49 цагт хүлээн авсан. Тус аймгийн Онцгой байдлын газрын 41 дүгээр ангийн алба хаагчдыг очиход 8х4 метрийн хэмжээтэй сэлбэгийн дэлгүүрийн үүдний лангуу шатаж байсныг ажиллаж унтраасан.

Дорноговь аймгийн Сайншанд сумын 6 дугаар багт дэлгүүрийн агуулах шатаж байна гэсэн дуудлагыг 19:50 цагт хүлээн авсан. Тус аймгийн Онцгой байдлын газрын 33 дугаар ангийн алба хаагчдыг очиход 7х5 метрийн хэмжээтэй дэлгүүрийн залгаа 4х2 метрийн хэмжээтэй агуулах /гэр ахуйн бараа материал/ хамт шатаж байсныг ажиллаж унтраасан.

Өмнөговь аймгийн Ханхонгор сумын Жаргалант баг "Тохойн бууц" гэдэг газар /аймгийн төвөөс урд зүгт 35 км/ гэр шатаж байна гэсэн дуудлагыг 22:32 цагт хүлээн авсан. Тус аймгийн Онцгой байдлын газрын 21 дүгээр ангийн алба хаагчдыг очиход иргэн А-гийн эзэмшлийн 4 ханатай гэр шатаж байсныг ажиллаж унтраасан. Уг гал түймэрт иргэн О /67 настай, эмэгтэй/ бүтэн биеийн 90 хувийн түлэгдэлтэй, хүү А /31 настай, эрэгтэй/ 2 гар сарвуу 20 хувь түлэгдсэн байсныг БОЭТ-д хүлээлгэн өгсөн.

Налайх дүүргийн 3 дугаар хороонд гэр шатаж байна гэсэн дуудлагыг 03.20-ны өдрийн 04:32 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход иргэн Ц-гийн 6 ханатай гэр шатаж байсныг ажиллаж унтраасан.

Дорноговь аймгийн Айраг сумын “Цагаандөрвөлж” 4 дүгээр багт гэр шатаж байна гэсэн дуудлагыг 03.20-ны өдрийн 04:50 цагт хүлээн авсан. Тус аймгийн Онцгой байдлын газрын Айраг сум дахь 23 дугаар ангийн алба хаагчдыг очиход иргэн О-гийн эзэмшлийн 4 ханатай гэр шатаж байсныг ажиллаж унтраасан.