“Хүнсний хангамж, аюулгүй байдал” үндэсний хөдөлгөөний хэрэгжилт, үр дүнтэй танилцах “Зөвлөлдөх уулзалт” Увс аймагт боллоо.

Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр “Хүнсний хангамж, аюулгүй байдал” үндэсний хөдөлгөөний үр дүнгийн талаар танилцуулж, орон нутгийн хүнсний үйлдвэрлэл эрхлэгчидтэй санал солилцлоо.

Увс аймагт “Хүнсний хангамж, аюулгүй байдал” үндэсний хөдөлгөөний хүрээнд 134 иргэн, аж ахуйн нэгж 4.5 тэрбум төгрөгийн хөнгөлөлттэй зээлд хамрагдан үйлдвэрлэлээ өргөжүүлжээ.

Уулзалтын үеэр “Хүнсний хувьсгал” мэргэжлийн холбооны Увс аймаг дахь салбар зөвлөлийн тэргүүнээр аймгийн “Увс Хүнс” ХК-ийн захирал Л.Нямгэрэл сонгогдлоо. 

Хүнсний үйлдвэрлэл, жижиг дунд бизнесийг дэмжих чиглэлд орон нутгийн үйлдвэрлэгчдийг оролцуулсан “Увс экспо” зэрэг арга хэмжээг тогтмол зохион байгуулж, бүтээгдэхүүний борлуулалт, зах зээлийн хүртээмжийг нэмэгдүүлэхэд анхаарч байна.