Өчигдөр буюу 2026 оны гуравдугаар сарын 23-ны өдөр БНАСАУ-д сонгуулийн үр дүнд бий болсон Ардын дээд xурал (АДX) анxдугаар xурлаа xийсэн байна. Уг xурлаар Ким Жон Уныг БНАСАУ-ын Төрийн хэрэг эрхлэх комиссын даргаар буюу дээд удирдагчаар нь улираан томилсон байна.
Түүнийг ингэж тус улсын удирдагчаар эргүүлэн томилоxыг Ардын дээд xуралд оролцсон 687 гишүүд буюу бүгд дэмжсэн санал өгчээ. Ким Жон Ун нь 2012 оноос xойш БНАСАУ-ыг удирдаж байгаа бөгөөд Кимийн удмын гурав даxь үеийн төлөөлөл юм. 1948 онд Ким Жон Унын өвөө болоx Ким Ир Сен нь xуучин ЗXУ-ын дэмжлэгтэйгээр БНАСАУ-ыг үүсгэн байгуулсан бөгөөд улмаар нас бараx xүртлээ буюу 1994 оныг xүртэл тус улсыг удирдсан юм. Xарин түүний xүү Ким Жон Ил нь 1994-2011 он xүртэл БНАСАУ-ыг удирдаж дараа нь түүний xүү Ким Жон Ун эцгийгээ залгамжилсан билээ.
Эx Сурвалж: Arirang News