Нийгэм
3 цагийн дараа
447Хулхи сургуульд суралцсан хүн Хууль зүйн салбарыг толгойлж болох уу?
УИХ-ын гишүүн, ХЗДХ-ийн сайд Б.Энхбаяр нь 2007-2009 онуудад "University Of Northern Virginia" (UNVA) буюу Хойд Виржиниягийн Их Сургуульд суралцсан гэж өөрийн намтар дээрээ тодоос тод цагаан дээр хараар бичсэн байдаг.
Тэрээр уг сургуульд суралцахдаа "Боловсролын Зээлийн Сан"-гаас 32, 000 ам.долларын зээл авч суралцсан гэдэг. Гэвч түүний суралцсан гэх тус сургуулийн "Магадлан Итгэмжлэл" нь 2008 онд дуусч улмаар 2013 онд татан буугдсан түүхтэй.
2008 онд магадлан итгэмжлэгдсэн хугацаа нь дууссан сургуульд Б.Энхбаяр нь 2009 онд мөн суралцсан гэж мэдэгдсэн. Тэрээр Боловсролын зээлийн сангийн зээлээр суралцах мөнгөө хувийнхаа дансаар дамжуулан авсан баримт ч бий.
2008 онд АНУ-ын хуулиар магадлан итгэмжлэгдэж чадалгүй хаагдсан их сургуульд 2009 оныг хүртэл суралцсан гээд өөрийн намтар дээрээ хээв нэг бичээд байж байгаа хүн Монгол Улсын хууль зүйн салбарыг толгойлж байна. Өөрийнхөө намтрыг худал бичиж, олон нийтэд худал мэдээлэл түгээж байгаа хүн цаашид хууль зүйн салбарыг толгойлох нь хэр зүйд нийцэх вэ гэдгийг хууль тогтоох дээд байгууллагын эрхэм гишүүд тунгаан бодох биз ээ.
