Хувьсах зардлын тогтолцоо, үр дүнд суурилсан санхүүжилт эвдэрсэн, дан ганц багшийн цалингаас гадна хувьсах зардлаараа багшийн цалингийн асуудлыг ажил хаялтгүйгээр шийдэх бүрэн боломж байсан хэмээн шинээр томилогдсон сайд Л.Энх-Амгалан өөрийн цахим хуудастаа мэдэгджээ. Тэрбээр "Хувьсах зардлынхаа тогтолцоог ойлгуулж чадаагүй. Энэнээс болж өнөөдөр татвар төлөгчдийн мөнгө 700-аас 800 тэрбум төгрөгийн санхүүжилт шаардлагатай болчихсон сууж байна. Би сайдыг буруутгахгүй байна? Сайдыг мэдээллээр хангах ёстой, удирдлагаар хангах ёстой хүмүүс өнөөдөр яагаад ийм зоригтойгоор төсвийн хуулийг зөрчсөн бэ. 4 том хууль зөрчсөн. Засгийн газрын цалин нэмэгдүүлэх тухай тогтоолд 2026 оны төсөвтөө багтааж гэсэн үг өгүүлбэр байгаа. Тийм учраас цалинтай холбоотой зурсан энэ 2 тушаалыг бэлдсэн, хянасан, зөвшөөрсөн бүх хүнд хариуцлага тооцно. Хууль хяналтын байгууллагад шилжүүлнэ" гэжээ.