Олон улсын жааз хөгжмийн өдөр тохиож байна.

09:00 цагт: “Нийгмийн халамжийн шинэчлэл” хэлэлцүүлэг Туушин зочид буудлын  давхарт, “Соёмбо” танхимд болно. 

10:00 цагт: УИХ-ын чуулганы нэгдсэн хуралдаан болно.

11:00 цагт: Монгол Улсад иргэний эрүүл мэндээ хамгаалуулах, эрүүл мэндийн тусламж, үйлчилгээ авах эрхийн хэрэгжилтийн өнөөгийн байдал, Увс, Завхан, Говь-Алтай аймагт хүний эрхийн нөхцөл байдалд хийсэн хяналт шалгалтын асуудлаар ХЭҮК-ын байранд мэдээлэл хийнэ. 

12:00 цагт: Монголд дотоод орчны агаарын бохирдлыг шинжлэх, бууруулах болон цэвэршүүлэх чиглэлээр анх удаа цогц үйлчилгээ нэвтэрч байна. Энэ талаар “China Mongol Pharma Bridge” компани Үндэсний мэдээллийн төвд мэдээлэл хийнэ.

12:30 цагт: Туулын хурдны замын төсөл хэрэгжүүлэгч компанид Нийслэлийн ИТХ-ын төлөөлөгчид болон удирдлагууд давуу эрх олгосон нь иргэдийн эрхийг зөрчиж буй асуудлаар АТГ, Эрүүгийн цагдаагийн алба, Тагнуулын ерөнхий газарт хандаж, энэ талаар Үндэсний мэдээллийн төвд мэдээлэл хийнэ. 

14:00 цагт: МУБИС-ийн Сэтгүүл зүйн тэнхимийн “Хэвлэлийн эрх чөлөө-Бидний эрх чөлөө” өдөрлөг МУБИС-ийн хичээлийн II байранд болно.

-“Энх тайван ирээдүйг бүтээх нь: Хүний эрх, хөгжил, аюулгүй байдлын төлөөх Хэвлэлийн эрх чөлөө” сэдэвт хэлэлцүүлгийг Хэвлэлийн Хүрээлэнгийн мэдээллийн төвд зохион байгуулна.

-“Тэрбум мод экспо” үзэсгэлэн худалдаа, Төв цэнгэлдэх хүрээлэн, Барилгачдын талбай, Жуковын талбай, Налайх дүүрэг, “Соёлын төв ордон”-ы талбайд 5 дугаар сарын 15-ны өдрийг хүртэл зохион байгуулна. 

Үзэсгэлэн:

-Зураач Л.Амарсанаагийн “FIFTY” уран бүтээлийн үзэсгэлэн МУЭ-ийн Арт галерейд энэ сарын 30-ныг хүртэл гарна. 

-МУЭ-ийн гишүүн, зураач Ц.Соёлмаагийн “Зэрэглээн цаана” үзэсгэлэн “Hue арт” галерейд 5 дугаар сарын 16-ныг хүртэл гарна. 

-“Уран бүтээлийн хур-Олон улсын хятад хэлний өдөр” сэдэвт орчин үеийн хятадын уран бичлэг, дүрслэх урлагийн шилдэг уран бүтээлчдийн үзэсгэлэн Улаанбаатар дахь Хятадын соёлын төвд 5 дугаар сарын 20-ныг хүртэл гарна.

Хилийн чанадад: 

• Австралийн Мельбурн хотноо жендерийн тэгш байдлын асуудлаарх “Women Deliver 2026” олон улсын бага хурал энэ сарын 30-ныг хүртэл болно.

• ОХУ-ын Эрхүү хот дахь В.С.Рогалийн нэрэмжит урлагийн төвд Орос, Монгол Улсын хооронд дипломат харилцаа үүссэний 105 жилийн ойд зориулсан “Монгол орон Эрхүүгийн зураачдын нүдээр” уран бүтээлийн үзэсгэлэн 5 дугаар сарын 28-ныг хүртэл гарна. 

• ОХУ-ын нийслэл Москва хотын Кремлийн музейд “Чингис хааны удмынхан: Оросууд ба даян дэлхий” үзэсгэлэн долоодугаар сарын 19-нийг хүртэл гарна. 

Орон нутагт:

• Архангай аймгийн "Ара арена" спортын ордонд “Эрүүл монгол хүн” үндэсний хөдөлгөөний хүрээнд “Дэвсэн бүжье-2” олон талт уралдаан болж байна. 
  
  

Эx Сурвалж: МОНЦАМЭ