Орос, Украины хооронд үргэлжилж буй дайны үеэр эрчим хүчний дэд бүтэц дахин хүчтэй халдлагад өртөж, Украины мужид цахилгаан тасарч, эрчим хүч, цахилгаан хязгаарлалт үүсээд байна. Сүүлийн өдрүүдэд дрон болон пуужингийн цохилтуудын улмаас цахилгаан дамжуулах сүлжээ, дэд станцууд эвдэрч, аж ахуйн нэгж тог цахилгаангүй болсон талаар Украины эрчим хүчний байгууллагууд мэдээлжээ. Шинжээчдийн үзэж байгаагаар эрчим хүчний дэд бүтцийг онилсон халдлагууд нь зөвхөн Украины төдийгүй бүс нутгийн эрчим хүчний тогтвортой байдалд сөргөөр нөлөөлсөөр байна. Энэхүү нөхцөл байдал нь Монгол Улсын эрчим хүчний импортын хамаарлыг дахин сануулж байна. Баруун бүсийн Увс, Баян-Өлгий, Ховд аймгуудын цахилгаан эрчим хүчний хэрэгцээний ихэнх хэсгийг ОХУ-ын Тува улсын Чадан орчмын эрчим хүчний системээс импортлон хангадаг бөгөөд нийт хэрэглээний 75 хүртэлх хувийг бүрдүүлдэг. Өмнө нь ч ОХУ-аас нийлүүлэх цахилгааны хэмжээг бууруулах асуудал яригдаж, Монголд хэрэглээг хязгаарлах эрсдэл үүсч байсан юм.