АНУ-ын Дээд шүүх Үндсэн хуулийн 14 дүгээр өөрчлөлтөөр баталгаажсан төрөлхийн иргэншлийн (birthright citizenship) эрхийг хэвээр үлдээсэн шийдвэр гаргалаа. Ингэснээр АНУ-ын нутаг дэвсгэрт төрсөн хүүхэд эцэг, эхийнх нь цагаачлалын статусаас үл хамааран Америкийн иргэн болох эрхээ хадгалж үлдэв. Энэхүү шийдвэр нь Ерөнхийлөгч Дональд Трампын засаг захиргаанаас гаргасан, хууль бус болон түр хугацааны визтэй эцэг, эхийн АНУ-д төрсөн хүүхдүүдэд иргэншил олгохыг хязгаарлах зорилготой захирамжийг хүчингүй болгосон юм. АНУ-ын Үндсэн хуулийн 14 дүгээр нэмэлт өөрчлөлтийг 1868 онд Иргэний дайны дараа баталсан бөгөөд "АНУ-д төрсөн эсвэл иргэншсэн бүх хүн АНУ-ын иргэн мөн" гэсэн үндсэн зарчмыг тогтоосон байдаг. Энэ заалтыг 1898 онд гарсан United States Wong Kim Ark хэргийн шийдвэрээр баталгаажуулснаас хойш 125 жилийн турш АНУ-ын иргэншлийн бодлогын суурь болсоор иржээ. Энэ удаагийн шийдвэрээр Дээд шүүх уг заалт өнөөдөр ч хүчин төгөлдөр хэвээр бөгөөд Ерөнхийлөгчийн захирамжаар өөрчлөх боломжгүй гэдгийг нотолсон байна.

 

Эх сурвалж: https://www.americanimmigrationcouncil.org/blog/birthright-citizenship-14th-amendment-lives-on/