Монгол улсын гавьяат тамирчин цол хүртсэн улсын аварга Г.Эрхэмбаярын сэтгэгдлийг сонслоо. Тэрээр "Сэтгэл их өндөр байна. Энэ спортод намайг оруулж, хүн болгож, амжилт гаргах гүүр минь болсон багш нартаа баярлалаа. Надад тус дэм болж явсан бүх хүмүүстээ баярлалаа. Хамгийн түрүүнд намайг төрүүлж, өсгөсөн аав ээждээ, бурууд ташуур зөвд урмын үгээ харамгүй хайрласан бүх багш нартаа баярлалаа" гэлээ.