Украины дронууд ОХУ-ын газрын тос боловсруулах үйлдвэрүүд болон экспортын дэд бүтцэд тогтмол цохилт өгсөөр байна. Долдугаар сарын 6-нд Сибирийн Омск хот дахь газрын тос боловсруулах үйлдвэрт халдсан нь олны анхаарлыг татав.

Зарим үйлдвэрүүдийн үйл ажиллагаа тасалдаж, дотоодын зах зээлд шатахууны хомсдол үүсэх эрсдэл нэмэгдсэн. Үүний улмаас Москва бензин болон онгоцны түлшний экспортыг хязгаарлах арга хэмжээ авчээ. Харин олон улсын зах зээл дээр Ойрхи Дорнод дахь байдал намжсанаар газрын тосны үнэ буурч, ОХУ-ын экспортолдог “Уралс” төрлийн газрын тосны үнэ өмнөх саруудтай харьцуулахад хямдарсан.

   Манай улс шатахууныхаа ихэнхийг ОХУ-аас импортолдог учраас нийлүүлэлтэд ямар нэг өөрчлөлт гарах нь дотоодын үнэд нөлөөлнө. Одоогоор Монгол Улс хоёр улсын хооронд байгуулсан гэрээний хүрээнд шатахуунаа хэвийн авч байгаа бөгөөд нийлүүлэлт тасалдаагүй байна. Гэсэн хэдий ч эх үүсвэрээс хэт хамааралтай байгаа нь эрсдэл хэвээр тул Засгийн газар Казахстанаас газрын тос импортлох боломжийг судалж, дотоодын газрын тос боловсруулах үйлдвэрээ ашиглалтад оруулахаар ажиллаж байна. Мөн Орос, Хятадыг холбох “Сибирийн хүч-2” хийн хоолой Монголын нутгаар дамжин өнгөрөх эсэх асуудал яригдсаар байгаа бөгөөд хэрэгжсэн тохиолдолд Монголд эдийн засгийн тодорхой ашиг авчрах боломжтой гэж үзэж байна.

 

Эх сурвалж: Ukraine striking Russian oil infrastructure – a significant problem for Russia? - Adapt Institute 

 

 https://cabinet.gov.mn/en/10968.html