Монгол Улсын Ерөнхийлөгч Ухнаагийн Хүрэлсүхийн зарлигаар Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан эрхэлсэн ажил, салбартаа өндөр амжилт гарган, эх орноо хөгжүүлэх үйл хэрэгт үнэтэй хувь нэмэр оруулж буй үндэсний үйлдвэрлэгч, баялаг бүтээгчдэд Төрийн одон медаль хүртээлээ.

Шагналыг Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр гардууллаа.

Алтан гадас одонгоор: 

• "Улаанбаатар гурил" ХХК-ийн Гүйцэтгэх захирал Б.Соёлмаа

• "Монголын жижиг, дунд үйлдвэрлэл, үйлчилгээний холбоо"-ны ажлын албаны менежер Г.Нямсүрэн нар шагнууллаа.

 

Эх орноо эрүүл хүнсээр хангах, цаашлаад хүнс экспортлогч орон болох их үйлсэд оюун ухаан, эрдэм чадал, хөдөлмөр зүтгэлээ дайчлан ажиллаж буй үндэсний үйлдвэрлэгч, баялаг бүтээгч та бүхэндээ талархал илэрхийлж, амжилт хүсье.