Дугаарын хязгаарлалтыг наймдугаар сарын 15-наас есдүгээр сарын 12 хүртэл хэрэгжүүлнэ. Хязгаарлалт бүсчлэл харгалзахгүйгээр өглөөний долоон цагаас оройн 21 цаг хүртэл үргэлжлэх юм. Дараах тээврийн хэрэгслүүдэд хязгаарлалт үйлчлэхгүй. Үүнд:

• Ногоон дугаартай цахилгаан тэжээлийн тээврийн хэрэгсэл
• хэвлэл мэдээлэл
• дипломат байгууллага болон зочид төлөөлөгчдийн тээврийн хэрэгсэл
• ажилчид, сургуулийн автобус
• стандартын шаардлага хангасан такси үйлчилгээ
• хүнсний тээвэрлэлт
• оршуулгын үйл ажиллагаа
• эмнэлэг
• цагдаа
• онцгой байдал
• жуулчдын тээврийн хэрэгсэл

Есдүгээр сарын 1-нд сургууль, цэцэрлэгийн нээлтийн үйл ажиллагаатай холбогдуулан хязгаарлалт үйлчлэхгүй.

COP-17 төсөлтэй холбоотойгоор “Нарантуул”, “Дүнжингарав” худалдааны төв рүү чиглэсэн төвлөрлийг бууруулах зорилгоор богино эргэлтийн тээврийн хэрэгслийг бэлдсэн.

Хувийн тээврийн хэрэгслийн зорчих хөдөлгөөнийг багасгах зорилгоор “Нарантуул” , “Дүнжингарав”, “Шинэ зуун айл” худалдааны төвийн авто зогсоолыг бүрэн хаана.

Мөн Намянжүгийн гудамж, Нарны зам, Их монголын гудамж, “Нарантуул”, “Дүнжингарав” худалдааны төвтэй ойролцоох зогсоолуудыг хаах ажиллагааг хэрэгжүүлнэ. “Нарантуул”-аас “Өгөөмөр, “Дүнжингарав” зах руу, "Дүнжингарав" захын уулзвараас Зүүн жанжингийн уулзвар хүртэлх замуудыг тодорхой хугацаанд хязгаарлана.

Наймдугаар сарын 17-28-ны өдрүүдэд зөвхөн тусгай хэрэгцээт иргэдийн машин, нийтийн тээвэр, тусгай чиг үүргийн тээврийн хэрэгслүүдийг нэвтрүүлэхээр зохицуулалт хийж байна.

Эдгээр чиглэлд амьдардаг иргэдийн тээврийг хэрэгслийг бүртгэж саадгүй нэвтрүүлнэ.