Украины Ерөнхийлөгч Владимир Зеленский Украин улс улсаа хэзээ ч орхихгүй, өөрийн тусгаар тогтнол болон Европыг бүхэлд нь хамгаалах болно гэж мэдэгджээ.

Тэрээр Киев хотноо болсон Украины Төрийн далбааны өдрийн ёслолын үеэр "Бидний хувьд Украингүй амьдрал бол амьдрал биш; Украины олзлолт бол сонголт биш. Тиймээс бүх украинчууд бүр ч шаргуу тэмцэж байна. Бид улс орноо орхихгүй, тусгаар тогтнолоо хамгаалж, Украин болон бүх Европыг хамгаалж байгаа бөгөөд өнөөдөр Европ болон дэлхий даяар хүн бүр цэнхэр, шар өнгө бол Украины өнгө, манай ард түмний өнгө, бидний эрэлхэг зоригийн өнгө гэдгийг мэддэг болсон. Украины далбаа бол хүч чадал, тэсвэр хатуужил, эрх чөлөө, амьдралын ялалтын далбаа юм" гэж хэлжээ.

Мөн Ерөнхийлөгч Зеленский Украин улс тусгаар тогтнолынхоо төлөө дайн эхэлснээс хойш 1642 өдрийн турш тэмцэж байна гэж мэдэгдсэн бөгөөд "Бид үүний төлөө олон жилийн турш тэмцэж ирсэн, үүний төлөө 1642 өдрийн турш тэмцэж байна. Өнөөдөр ч гэсэн эдгээр өдөр бүр бидний жинхэнэ найз нөхөд, түншүүд бидний нийтлэг тэмцэлд биднийг дэмжиж, тусалж байна" гэж хэлсэн байна.

Ж.Батдорж