УИХ-ын гишүүн, Батлан хамгаалахын сайд Д.Батлут цэргийн ангийн алба хаагч амь насаа алдсан харамсалтай хэргийн талаар дараах мэдээллийг өглөө. Тэрээр “Хоёр цэргийн алба хаагч маань ахлагч хүмүүс. 7-р сарын амралтын өдрүүдээр цэргийн ангиас гадна харилцааны зөрчил үүсгэсэн гэсэн мэдээлэлтэй байна. Би тухайн анги байгууллагын удирдлагуудаас нь тодруулж асуусан.

7-р сарын эхний өдүүдээр нас барсан цэргийн хаагч маань харуул манааныхаа үүргийг гүйцэтгэсэн байна лээ.

Мөн тухайн хүн 7-р сарын 17-нд томилгоот харуулын үүрэгтэй байсан ч үүрэгтээ ирээгүй гэх мэдээлэл байна. Тэгээд ажлын захирагч тухайн хүнд сахилгын шийтгэл оногдуулаад 7-р сарын 22-нд ажилдаа ирэхгүй болохоор нь тухайн асуудалд ар гэрийнхнийг нь анхаарал хандуулж ажиллахыг хүссэн. Үүний дараа ангийн зүгээс өөрсдийн хэмжээнд ар гэрийнхэнд нь хандаж цагдаад хандаарай гэсэн зөвлөгөө өгсөн байна лээ. Би одоогоор талийгаачийн ар гэрийнхэнтэй уулзаагүй байгаа” гэв.