Тийм учраас Орон сууц нийтийн аж ахуйн удирдах газраас дүүргийн удирдлагуудтай уулзалт хийж, инженерийн шугам сүлжээний өнөөгийн нөхцөл байдал, тулгамдаж буй асуудал, шаардлагатай хөрөнгө оруулалтын талаар танилцуулан, ирэх оны нийслэл болон дүүргийн төсөвт тусган шийдвэрлүүлэх асуудлаар санал солилцов. Энэхүү уулзатад дүүргийн Засаг дарга М.Алтангэрэл, ИТХ-ын дарга Х.Нямдагва, менежер Э.Чинзориг, Орон сууц нийтийн аж ахуйн удирдах газрын дарга Э.Энхтөр, Ерөнхий инженер Ж.Пүрэвжамц болон Төв, Зүүн түгээх төв, Хэрэглэгчдэд үйлчлэх 5, 6, 8 дугаар төвийн дарга, ахлах инженерүүдийн оролцсон юм.

Тус байгууллагын хийсэн үзлэгээр дүүргийн нутаг дэвсгэрт гадна тэжээлийн кабелийн өмчлөгч, эзэмшигч нь тодорхойгүй нийт 58 шугам бий. Тэдгээрийг хариуцах эзэнтэй болгох, шугамд эвдрэл, гэмтэл гарсан үед хариуцах, шуурхай арга хэмжээ авах ажлыг зохион байгуулахаар тохиролцов. Мөн яаралтай дуудлага, гэмтэл саатал гарсан үед шуурхай арга хэмжээ авч ажиллах, зураг төсөв нь боловсруулагдсан зарим ажлуудын хөрөнгийг дүүргийн төсөвт тусган шийдвэрлэж, оршин суугчдын дулаан хангамжийг хэвийн найдвартай хангахад талууд хамтран ажиллахаар боллоо.