Өнөөдрийн төсвийн байнгын хорооны хуралдаанаар УИХ-ын гишүүн С.Цэнгүүний сайд нарын төсвийн тодотголоор нэмэгдүүлсэн урсгал зардлыг танах тухай дараах саналыг хэлэлцсэн боловч бүгд дэмжигдсэнгүй.

Эдгээр саналууд нь сайд нарын урсгал зардлыг нийт 397 тэрбумаар танах байв. 

-Бичиг хэргийн зардлыг 768.7 сая төгрөгөөр хасах

-Гадаад томилолтын зардлыг 1.5 тэрбумаар хасах

-Дотоод томилолтын зардлыг 2.4 тэрбумаар хасах

-Зочид төлөөлөгчдийг хүлээж авах зардлыг 812.7 сая төгрөгөөр хасах

-Тээврийн хэрэгслийн татвар, оношилгооны зардал 171.7 сая төгрөгөөр хасах

-Төрийн өмчит байгууллагуудад олгох татаасыг 391 тэрбумаар хасах

-Хувийн хэвшлийн байгууллагуудад олгох татаасыг 134.6 сая төгрөгөөр хасах 

Мөн 17 яамны зардлыг нийт 11.7 тэрбумаар бууруулах санал гаргасан юм. Эдгээр саналыг хуралдаанд оролцсон 19 гишүүний 2-3 нь л дэмжиж байв.

-Эдийн засаг хөгжлийн яамны нэгдсэн төслөө хэрэгжүүлэх нэгжийн зардлыг 554.3 сая төгрөгөөр хасах

-Шадар сайдын нэгдсэн төсөл хэрэгжүүлэх нэгжийн зардлыг 337.2 сая төгрөгөөр хасах

-Байгаль орчин, уур амьсгалын өөрчлөлтийн яамны нэгдсэн төсөл хэрэгжүүлэх нэгжийн зардлыг 382.9 сая төгрөгөөр хасах

-Боловсролын яамны нэгдсэн төсөл хэрэгжүүлэх нэгжийн зардлыг 571.2 сая төгрөгөөр хасах

-Гэр бүл, хөдөлмөр нийгмийн хамгааллын яамны нэгдсэн төсөл хэрэгжүүлэх нэгжийн зардлыг 361.7 сая төгрөгөөр хасах

-Зам тээврийн яамны нэгдсэн төсөл хэрэгжүүлэх нэгжийн зардлыг 589.9 сая төгрөгөөр хасах

-Сангийн яамны нэгдсэн төсөл хэрэгжүүлэх нэгжийн зардлыг 658.9 сая төгрөгөөр хасах

-Соёл, спорт, аялал жуулчлал, залуучуудын яамны нэгдсэн төсөл хэрэгжүүлэх нэгжийн зардлыг 278.9 сая төгрөгөөр хасах

-Хот байгуулалт, барилга, орон сууцжуулалтын яамны нэгдсэн төсөл хэрэгжүүлэх нэгжийн зардлыг 1 тэрбум 70 сая төгрөгөөр хасах

-Хууль зүй, дотоод хэргийн яамны нэгдсэн төсөл хэрэгжүүлэх нэгжийн зардлыг 365.6 сая төгрөгөөр хасах

-Хүнс, хөдөө аж ахуй, хөнгөн үйлдвэрийн яамны нэгдсэн төсөл хэрэгжүүлэх нэгжийн зардлыг 502.9 сая төгрөгөөр хасах

-Цахим хөгжил, инноваци, харилцаа холбооны яамны нэгдсэн төсөл хэрэгжүүлэх нэгжийн зардлыг 296.2 сая төгрөгөөр хасах

-Эрүүл мэндийн яамны нэгдсэн төсөл хэрэгжүүлэх нэгжийн зардлыг 493.7 сая төгрөгөөр хасах

-Эрчим хүчний яамны нэгдсэн төсөл хэрэгжүүлэх нэгжийн зардлыг 1.1 тэрбумаар хасах

-Нийслэлийн нэгдсэн төсөл хэрэгжүүлэх нэгжийн 797 сая төгрөгөөр хасах

-Цагдаагийн ерөнхий газрын сэргээн засах 810-р тусгай салбарын 2.4 тэрбумын урсгал зардлыг хасах

-Шүүхийн шийдвэр гүйцэтгэх ерөнхий газрын түр хурах, нөхөн сэргээх сувиллын 924.6 сая төгрөгийн урсгал зардлын хасах