Дүүжин тээврийн барилга угсралтын ажил 95 хувьтай үргэлжилж байна. Энэхүү дүүжин тээвэр нь Яармагаас Хархорин хүртэлх 4.2 км замыг 11 минутад туулах юм. Нийт 98 кабинтай бөгөөд нэг кабинд 8-10 хүн суух багтаамжтай.

Нийслэлийн Замын хөгжлийн төсөл, хөтөлбөрийн зохицуулагч Л.Хосбаяр: 12 сарын 15-нд улсын комисст хүлээлгэж өгнө. Энэхүү төслийг нийт гурван шатны комисс хүлээж авахаараа онцлогтой. 12 сардаа багтаад ашиглалтад орно гэсэн төлөвлөгөөтэй байна.

Төслийн менежер Ж.Лхагвадорж: Дүүжин тээврийн төслийг Франц улсын Пома групп гүйцэтгэж байгаа. Энэхүү групп нь 80 гаруй жилийн туршлагатай, олон улсад хүлээн зөвшөөрөгдсөн байгууллага юм. Дүүжин тээвэр нь 21 км/ц-ийн хурдтай. Түгжрэлийн үед машинаар нэг талдаа 2 цаг явдаг зайг 11 минутад туулна гэсэн үг.  

Иргэдийн дунд дүүжин тээврийн аюулгүй байдалд эргэлзэх хандлага байгаа ч төслийг гүйцэтгэгчдийн зүгээс энэ тал дээр итгэлтэй байгаа гэдгээ илэрхийллээ. Төсөл амжилттай хэрэгжвэл дараагийн байршилд суурилуулахаар төлөвлөж байна гэв.