Монгол Улсын хүн амын сайн сайхан байдлын түвшнийг анх удаа цогцоор нь хэмжсэн судалгааны үр дүнг танилцууллаа. Судалгаанд нийт 10 мянга гаруй хүмүүсийг оролцуулснаас 5 мянган баталгаатай эх сурвалжийг ашиглан судалгааг гаргажээ. Судалгаанд Улаанбаатар хотод оршин сууж буй иргэд болон Баруун, Зүүн, Төвийн, Хангайн бүсийн иргэд, гадаадад амьдарч буй 18-аас дээш насны хүмүүсийг хамруулжээ.

Монгол хүний сайн сайхан байдлын цогц судалгааны онцлох үр дүнтэй танилцана уу.

• - 4 саяас дээш орлоготой оролцогчдын 75 хувь, 792 мянга хүртэлх орлоготой иргэдийн 41 хувь нь ажил хөдөлмөрийн ССБ өндөр түвшинд байна.
• - Бие махбодын ССБ дээр хадгаламжтай хүмүүсийн 31 хувь, хадагаламжгүй оролцогчдын 18.1 хувь сайн түвшинд багтжээ.
• - Дунд ба түүнээс бага боловсролтой оролцогчдын 47.5 хувь нь сэтгэл зүйн ССБ-ын сул түвшинд байгаа нь бусад бүлэгтэй харьцуулахад хоёр дахин их байжээ.

4 саяас дээш орлоготой оролцогчдын 40 хувь нь сэтгэл зүйн ССБ сайн түвшинд байсан нь 792 мянган төгрөгний орлоготой иргэдээс даруй 3 дахин их байна. Монголчуудын 10 хүн тутмын 6 нь сард нэг болон түүнээс дээш хугацаагаар байгальд цаг өнгөрөөх боломжтой байдаг байна. Малчдын 41 хувь нь хүрээлэн буй орчиндоо сэтгэл хангалуун байдаг нь бусад бүлгээс 2 дахин их байна.

• - 4 саяас дээш орлоготой хүмүүсийн 75 хувь нь нийгмийн сайн сайхан байдал нь өндөр түвшинд байгаа бол 792 мянган төгрөг хүртэлх орлоготой иргэдийн 12 хувь нь л нийгмийн сайн сайхан байдал нь сайн гэсэн судалгааны үр дүн гарчээ.
• - Эмэгтэй хүмүүсийн 50 хувь нь санхүүгийн сайн сайхан байдал нь сул байгаа бол эрэгтэй оролцогчдын 46 хувийн санхүүгийн ССБ нь сул түвшинд байна.
• - Орон нутагт амьдардаг хүмүүсийн 46 хувь, Улаанбаатар хотод амьдарч буй хүмүүсийн 36 хувь нь амьдралдаа сэтгэл хангалуун байна.

 Гэрлэсэн хүмүүсийн 46 хувь нь амьдралдаа сэтгэл хангалуун байдаг байна.