УИХ
6 цагийн дараа
117Эрүүл мэндийн тухай хуулийн шинэчилсэн найруулгын төслийг өргөн мэдүүллээ
Өнөөдөр /2026.10.30/ Улсын Их Хурлын гишүүн Т.Мөнхсайхан, П.Ганзориг, О.Саранчулуун, Б.Хэрлэн нарын гишүүд Эрүүл мэндийн тухай хуулийн шинэчилсэн найруулгын төслийг УИХ-д өргөн мэдүүллээ.
2011 онд батлагдсанаас хойш 31 удаа нэмэлт, өөрчлөлт оруулсан тус хуулийг шинэчлэх нь эрүүл мэндийн салбарын бодлого, зохицуулалтын уялдааг хангаж, тогтолцоог цогцоор нь сайжруулах чухал алхам юм.
Төслийн хүрээнд:
- - Эрүүл мэндийн тусламж, үйлчилгээний чанар, хүртээмжийг нэмэгдүүлэх
- - Иргэдийн чирэгдлийг бууруулах
- - Иргэдийг эрүүл мэндийн зардлаас үүдэх санхүүгийн дарамтаас хамгаалах
- - Нийгмийн эрүүл мэндийн бодлогыг тэргүүлэх чиглэл болгох зэрэг зохицуулалтыг тусгалаа.
Хуулийн төсөл батлагдсанаар иргэний эрүүл мэндээ хамгаалуулах, тусламж, үйлчилгээ авах үндсэн эрхийг бодитой хэрэгжүүлэх эрх зүйн орчин сайжирна. Мөн эрүүл мэндийн тогтолцооны удирдлага, санхүүжилт, хүний нөөц, тусламж, үйлчилгээ, эм зүй, дижитал эрүүл мэнд болон мэдээллийн зохицуулалтыг харилцан уялдаатай хэрэгжүүлэх нөхцөл бүрдэнэ. Эрүүл мэндийн салбарын шинэчлэл иргэн төвтэй, чанартай, хүртээмжтэй тусламж, үйлчилгээнээс эхэлнэ.
