Монгол улсын Ерөнхийлөгч үүрэгт ажлаа хүлээлгэн өгсөн талаар ЗГХЭГ-ын дарга Б.Энхбаяр өөрийн байр суурийг илэрхийлж дараах мэдэгдлийг хийлээ.
Тэрээр Монгол Улсын Ерөнхийлөгч төрийн тэргүүнийхээ манлайллыг үлгэрлэж, үүрэгт ажлаасаа чөлөөлөгдөн, өөрт нь холбогдуулан гаргаж буй гүтгэлэгтэй холбоотой асуудлыг шалгуулж, нэр төрөө сэргээлгэнэ.
Би ч мөн адил шийдвэр гаргах ёстой гэж бодож байна. Намайг олон сая ам.долларын авлига авсан гэх мэтээр Л.Оюун-Эрдэнэ тэргүүтэй хүмүүс удаа дараа ямар ч баримтгүйгээр гүтгэж ирсэн. Хууль хяналтын байгууллагаар шалгуулахад ч нотлох баримтгүй асуудлаар намайг гүтгэж байна.
Сая Монгол Улсын Ерөнхий сайдтай уулзаж, ЗГХЭГ-ын даргын албан тушаалаасаа өөрийн хүсэлтээр чөлөөлөгдөх хүсэлтээ өгөөд гарч ирлээ. Энэ гүтгэлэг анх намайг Хууль зүй, дотоод хэргийн сайдын албан тушаалаас буулгах зорилготой байсан. Тэр зорилгодоо ч хүрсэн. Одоо дахин ийм зүйл болж байна. Тиймээс би ч мөн адил үүрэгт ажлаа хүлээлгэн өгч, өөрт холбогдуулан гаргаж буй гүтгэлгийг шалгуулан, нэр төрөө сэргээлгэхээр шийдлээ.