БШУЯ-аас хэрэгжүүлж буй Боловсролын чанарын шинэчлэлийн хүрээнд бага боловсролын сургалтын   цөм хөтөлбөр, сурах бичиг, багшийн ном,  агуулга, арга зүй, үнэлгээг   хэрэгжүүлэх сургалтууд зохион байгуулахтай холбогдуулан  нийслэлийн сургуулиудын бага ангийн багшийн сул орон тоонд  ажиллах багшийн  сонгон шалгаруулалт энэ сарын  18-ны өдөр  явагдана. Сонгон  шалгаруулалтанд оролцогчдыг 15-16-ны өдрүүдэд  10-15 цагийн хооронд  НБГ-ын 505 тоот өрөөнд бүртгэнэ. Шалгалтанд орохыг хүсэгчдэд доорх шаардлагыг тавьж байна. Үүнд:

• Хоёр  буюу түүнээс дээш жил ажиллаж байсан, багшлах  эрхийн үнэмлэхтэй байх,
• Нэг жил хүрэхгүй хугацаанд  ажилласан эсвэл  багшлах эрх аваагүй бол  шалтгааныг тодруулах баримттай байх,
• "Багшийн мэргэжил дээшлүүлэх институт"-ээс зохион байгуулсан нэг жилийн багшлах эрх авах шалгалтад тэнцсэн байх ёстой юм байна.

Бүртгүүлэхээр ирэхдээ доорх материалыг бүрдүүлнэ.

1. Төгссөн  сургуулийн диплом  /эх хувиар/
2. Иргэний үнэмлэх /Нийслэлийн хаягтай байх/
3. Төрийн албан хаагчийн анкет  /1-р маягт/
4. Багшаар ажиллах эрхийн үнэмлэх  эсвэл  багшлах эрхийн үнэмлэх