Сүхбаатар аймгийн нутагт аялал жуулчлал хөгжүүлэх, ёс заншил, өв уламжлал зан үйлийг сэргээх зорилгоор зохион байгуулж буй “ГАНГА НУУРЫН ЧУУЛГАН” хөтөлбөрийн хүрээнд аялал жуулчлалын шилдэг бүтээгдэхүүн буй болгох зорилгоор дараах уралдааныг Дарьгангын зургаан сумын дунд зарлажээ.

Уралдаанд сум болгон нэг баг болж оролцох бөгөөд
1. Язгуур гэр (хэлхээ тоонот) бүхий нүүдэлчдийн эд өлгийн соёлын үзэсгэлэн
• Авдар, Ээрүүл, Хэдрэг, Эргэнэг, Ширдэг
• Орчин үеийн болон эртний мөнгөн эдлэл (эмээл, хазаар, аяга, бусад хэрэглэл)..
2. Дарьганга цагаан идээний үзэсгэлэн
• Данх, Хувин сав, Тогоо, Жалавч, бүрхээр, домбо...
3. Ардын уламжлалт зан үйл
• Нүүдэл хийх ёс, Нүүдэл тосох үйл, Шавар зуух, Шинэ нутгийн цай идээний зан үйл, Шимийн архи нэрэх, Усны тэрэг хөсөг...
4. Ардын уламжлалт зан үйлтэй холбоотой дуу хуур, аман билэг, язгуур урлагийн 3-4 номер
5. Бусад гэсэн үзүүлэлтээр дүгнэх аж.
“Дарьганга нүүдэлчин” зургаан сум-багийн үйл ажиллагааг Дарьганга сумын төвд болох “ГАНГА НУУРЫН ЧУУЛГАН” аялал жуулчлалын өдрүүдийн төгсгөлд шалгаруулан нийтэд зарлах юм байна.