Манай урлагийн томоохон төлөөллийн нэг МУГЖ Н.Батцэцэг гэр бүлийн хамтаар бүтээсэн "Цэн тогоруу" уран сайхны киноны нээлт өнөөдөр боллоо. Өөрөөр хэлбэл уг киноны зохиолыг түүний том хүү М.Бишрэлт бичиж, бага хүү М.Ивээл найруулсан аж. 

Киноны уран бүтээлчид өнөөдөр олон хоногийн хүч, хөдөлмөр шингээсэн бүтээлээ өлгийдөн авч, үзэгчиддээ бэлэг барьж байгаадаа хязгааргүй их баяртай байлаа. Дашрамд дурдахад найруулагч М.Ивээл АНУ-д киноны найруулагчийн мэргэжлээр сурч төгссөн бөгөөд "Цэн тогоруу" кино нь түүний анхны бүрэн хэмжээний дэлгэцийн бүтээл юм байна. 

Киноны нээлтийг үзэхээр олны танил хүмүүс цуглаж уран бүтээлчдэд халуунаар баяр хүргэж байлаа.