Засгийн газрын өнөөдрийн хуралдаанаар Хууль зүйн дэд сайдыг томиллоо. Уг албанд Гаалийн ерөнхий газрын дэд даргаар ажиллаж байсан хурандаа Ц.Уугангэрэлийг томилсон байна. Тэрбээр ЗХУ-ын Дотоод явдлын яамны академийг хуульч мэргэжлээр төгсч, цагдаа, тагнуулын байгууллагад удирдах алба хашиж ирсэн туршлагатай. 

Хууль зүйн дэд сайдаар ГЕГ-ын даргаар ажиллаж байсан Ц.Уугангэрэлийг томиллоо

• Цогоогийн Уугангэрэл нь 1985 онд Дорнод аймагт төрсөн,  эхнэр хүүхдийн хамт амьдардаг.
• ЗХУ-ын Дотоод явдлын яамны академийг хуульч мэргэжлээр төгссөн.
• 1979-1983 онд НАХЯ-ны төмөр зам дахь ЦС ангийн урьдчилан сэргийлэх албаны байцаагч, дэслэгч, төлөөлөгч
• 1988-1990 онд Улсын цагдан сэргийлэх ерөнхий газрын ахлах төлөөлөгч
• 1990-2005 онд ЦЕГ-ын тусгай тасаг, хэлтсийн дарга
• 2005-2008 Тагнуулын ерөнхий газрын Төрийн тусгай хамгаалалтын газрын дарга
• 2009-2012 онд “Хос харцага” ХХК-д Ерөнхий захирал зэрэг албан тушаалыг хашигж байгаад ГЕГ-ын дэд даргаар ажиллаж байгаа юм байна.

Хууль зүйн дэд сайд Э.Эрдэнэжамъяныг эрх мэдэл, албан тушаалаа урвуулан ашиглаж Интерполын Ерөнхий нарийн бичгийн даргад цахим шуудан илгээсэн хэрэгт буруутгагдсан юм. Үүнтэй холбоотойгоор тэрбээр Хууль зүйн дэд сайдын албан тушаалаасаа огцрох өргөдөлөө өгсөн учраас орны хүнийг ийн томилсон байна.