Энэ жилийн “Цэцгийн ертөнц-2014” үзэсгэлэнд 200-гаад төрлийн 500 гаруй тасалгааны цэцэг дэлгэрч олон нийтийн нүдийг хужирлалаа.

Тус үзэсгэлэнгээр хувь хүн, албан байгууллага тус бүрээр байр эзлүүлсэн юм. Хувь хүмүүсээс  нэгдүгээр байранд Ж.Тунгалаг, хоёрдугаар байранд А.Оюунтуяа нар орсон бол албан байгууллагаас эхний байрыг Хөдөлмөрийн хэлтэс, удаах байрыг Мэдээлэл харилцаа сүлжээ компаний хамт олон эзэллээ. Харин “Шилдэг цэцэгчин” тусгай байранд Г.Мөнхдэлгэр шалгарсан юм.

Энэхүү үзэсгэлэнг уламжлал болгон зохион байгуулдаг бөгөөд гол зорилго нь цэцэгчдийн тоог нэмэгдүүлэх, гэр орон, албан тасалгаандаа цэцгийг нэмэгдүүлэх, цэцэг тарих арчлах мэдлэгийг сайжруулахад оршдог байна. Энэхүү үзэсгэлэнд ач холбогдолтой олон цэцэг байсан бөгөөд хамгийн их борлуулалттай цэцгээр “Эрүүл мандлын зүрхэт цэцэг”, мөнгө дууддаг цэцэгс шалгарлаа.

Түүнчлэн цэцгийн үзэсгэлэнд оролцогчдын дунд цэцгийн тухай АХА тэмцээнийг зохион явуулж, өөрсдийн мэдлэг мэдээллээ сорин Мөнхдэлгэр түрүүлсэн юм.

“Цэцгийн ертөнц-2014” үзэсгэлэнд 200-гаад төрлийн 500 гаруй тасалгааны цэцэг дэлгэрч олон нийтийн нүдийг хужирлалаа.