Энэ бол шувуу ч биш онгоц ч биш робот аж. Нидерландын эрдэмтэд шилэн хуванцар, нийлэг материалын тусламжтайгаар робот шувууг 3D принтерээр хийжээ. Уг робот нь яг л шувуу шиг нисдэг бөгөөд газар унасан ч эвдэрч гэмтэхгүй аж. Түүнийг шонхор шувуутай адилхан хийсэн байна. Учир нь нисэх онгоцны буудал болон фермерийн аж ахуйд хөнөөл учруулдаг шувуунуудыг айлгах зорилго агуулсан бөгөөд тэдний ажигласнаар бодит шувуунуудын 70 хувь нь робот шувуунаас айж байжээ.

Уг робот нь уртаашаа 58 см, өргөөшөө 120 см ба цагт 80 км нисэх чадвартай аж. Мөн алсын удирдлагатай бөгөөд цаашид хэмжээг нь өөрчлөн олныг үйлдвэрлэх төлөвлөгөөтэй байгаа гэнэ. 

Г.Төгөлдөр