Бүгд найрамдах Турк улсын Цагдаагийн академи, Туркийн олон улсын хамтын ажиллагааны агентлагаас зохион байгуулсан “Мэргэжлийн сургалтын дүгнэлт, шинжилгээ” сэдэвт сургалтанд манай цагдаагийн байгууллагаас 10 -н алба хаагч оролцлоо.

Сургалтын явцад Туркийн цагдаагийн академи, Нохойн сургалтын төв, Тусгай ажиллагааны газар, Хар тамхи, зохион байгуулалттай гэмт хэрэгтэй тэмцэх олон улсын академи, ЦЕГ-ын шуурхай удирдлагын штабын бүтэц, зохион байгуулалт, чиг үүрэг, үйл ажиллагаатай танилцсан байна. 

Туркийн цагдаагийн байгууллагын боловсон хүчнүүдийг хэрхэн бэлтгэдэг, төгсөөд ажиллаж байгаа алба хаагчдад давтан болон мэргэшүүлэх сургалтыг хэрхэн зохион байгуулдаг, сургалтын үр дүнг хэрхэн үнэлж дүгнэдэг талаар мэдээлэл өгч, харилцан санал солилцож, туршлага судалжээ.