Булган аймгийн БГ-ын Технологийн сургалт хариуцсан мэргэжилтэн Ж.Орхонтуулын хамт Технологи, дүрслэх урлаг, зураг зүйн 25 багш аравдугаар сарын 30-31-нд УБ хотод туршлага судлаад ирлээ. Тэд МУБИС- Урлаг, Биеийн тамирын сургууль, Багшийн мэргэжил дээшлүүлэх институт, Мон Ген, Урлан бүтээх төв, Өсвөрийн зохион бүтээгчдийн лабратори ахлах сургууль, Уран зургийн галерей, Засгийн газрын ордноор орж танилцсан байна. Мөн БМДИ-ийн багш Баттулга, Гэрлээ нар боловсролын чанарын шинэчлэл, бага боловсролд тус хичээлийг хэрхэн зохион байгуулах, болон бусад мэдээ мэдээлэл өгч, зураг зүйн хичээлийг хэрхэн технологийн хичээлтэй холбох талаар зөвлөгөө өгч, санал солилцжээ. МУБИС-УБТС-ийн Технологийн тэнхимийн эрхлэгч Д.Сэрээтэрдоржтой ТТОлимпиад, сургалтын хөтөлбөр, сурах бичгийн талаар санал солилцсон ба Г.Батторж багш Роботын сургалт зохион байгуулсан байна.