МУИС-ийн оюутнууд оюутны тодорхойлт дүнгийн тодорхойлолтоо англи, монгол хэлээр ТҮЦ машинаас авах боломжтой болжээ. Судалгаанаас үзэхэд эхний таван үйлчилгээнд  сургалтын албанаас тодорхойлолт авах үйлчилгээ багтдаг аж. Иймд ТҮЦ машинаас уг үйлчилгээ авснаар сургалтын албаны мэргэжилтнүүдийн ачаалал буурч оюутанд үзүүлэх цаг гарах юм. Дээрх ТҮЦ машиныг МУИС-ийн таван сургуульд байршиж байгаа гэнэ. Оюутнууд дээрх үйлчилгээг авахдаа оюутны үнэмлэхээ уншуулж, СиСи мэдээллийн системд нэвтрэх нууц үгээ ашиглан авна. Оюутны тодорхойлолт, дүнгийн тодорхойлолт нь МУИС-ийн лого,  холбогдох мэдээлэл бүхий А4-ийн хэмжээтэй цаасан дээр хэвлэгдэн гарах бөгөөд сургалтын нэгдсэн албаны даргын гарын үсэг, албаны тэмдэгтэй байх гэнэ.

Дээрх үйлчилгээг бакалавр, магистер, докторт суралцаж байгаа оюутнууд тухайн жилийн жилд тус бүрээс хоёр удаа үнэ төлбөргүй авах ба үүнээс дээш тоогоор авах тохиолдолд тухай бүр нь 500 төгрөгийн хураамж төлөх юм байна.

Цаашид дээрх үйлчилгээний нэр төрлийг ихэсгэх бөгөөд төрийн үйлчилгээний лавлагаа мэдээлэл авах боломжтой болгох гэнэ.